እስራኤል አባታችንን ለመፈለግ ወሰነ

ዳዊት ሁሉንም አማክሮ ተረስቶ የነበረውን የአብ ታቦት በአዲስ ጋሪ ላይ ያጓጕዛል። በሬዎቹ ሲሰናከሉና ዑዛ ታቦቱን ሊደግፍ ሲል በዚያው ይሞታል። የዳዊት ምላሽ መጀመሪያ ቍጣ፣ ከዚያም ፍርሃት ነው፤ ታቦቱም በዖቤድ ኤዶም ቤት ይቀመጣል — በዚያም ቤተ ሰቡ ይባረካል።

ምዕራፍ 13።

ዳዊት ከሻለቆችና ከመቶ አለቆች፣ ከመሪዎች ሁሉ ጋራ መከረ። ዳዊትም ለእስራኤል ጉባኤ ሁሉ እንዲህ አለ፤ “መልካም መስሎ ቢታያችሁ፣ ከአባታችንም ቢሆን፣ በእስራኤል ምድር ሁሉ ለቀሩት ወንድሞቻችን፣ ከእነርሱም ጋራ በከተሞቻቸውና በግጦሽ መሬታቸው ላሉት ካህናትና ሌዋውያን ወደ እኛ እንዲሰበሰቡ በስፋት መልእክት እንላክ። በሳኦል ዘመን ስላልፈለግነው፣ የአባታችንን ታቦት ወደ እኛ መልሰን እናምጣ።”

ለሕዝቡ ሁሉ ተገቢ መስሎ ስለ ታየ፣ ጉባኤው ሁሉ እንዲህ ለማድረግ ተስማማ።

ዳዊትም የአባታችንን ታቦት ከቂርያት ይዓሪም ለማምጣት፣ ከግብፅ ሺሖር አንሥቶ እስከ ሌቦ ሐማት ድረስ እስራኤልን ሁሉ ሰበሰበ።

ዳዊትና እስራኤል ሁሉ በኪሩቤል ላይ የተቀመጠውን፣ ስሙ የሚጠራበትን የአባታችንን ታቦት ከዚያ ለማውጣት ወደ በዓላ፣ ይኸውም በይሁዳ ወዳለው ወደ ቂርያት ይዓሪም ወጡ። የአባታችንንም ታቦት ከአቢናዳብ ቤት በአዲስ ጋሪ ላይ ጫኑት፤ ዑዛና አሕዮም ጋሪውን ነዱ። ዳዊትና እስራኤል ሁሉ በሙሉ ኀይላቸው በአባታችን ፊት፣ በመዝሙር፣ በበገና፣ በክራር፣ በከበሮ፣ በጸናጽልና በመለከት ፈነደቁ።

ወደ ኪዶን አውድማ በደረሱ ጊዜ፣ በሬዎቹ ስለ ተሰናከሉ ዑዛ ታቦቱን ለመያዝ እጁን ዘረጋ። በዚያን ጊዜ የአባታችን ቍጣ በዑዛ ላይ ነደደ፤ እጁን ወደ ታቦቱ ስለ ዘረጋም መታው፤ በዚያም በአባታችን ፊት ሞተ። አባታችን በዑዛ ላይ ስለ ተነሣበት ዳዊት ተቈጣ፤ ስለዚህ ያ ስፍራ እስከ ዛሬ ድረስ ፌሬጽ ዑዛ ተብሎ ይጠራል። በዚያ ቀን ዳዊት አባታችንን ፈራ፤ “የአባታችንን ታቦት እንዴት ወደ እኔ ላምጣ?” አለ። ስለዚህ ዳዊት ታቦቱን ወደ ዳዊት ከተማ አላመጣም፤ ወደ ጌቴያዊው ወደ ዖቤድ ኤዶም ቤት አገባው። የአባታችን ታቦት በዖቤድ ኤዶም ቤት ከቤተ ሰቡ ጋራ ሦስት ወር ተቀመጠ፤ አባታችንም የዖቤድ ኤዶምን ቤተ ሰብና ያለውን ሁሉ ባረከ።