አባታችን እስራኤልን ለፍርድ ይጠራል

መመረጥ ተጠያቂ መሆን እንጂ ነጻ መሆን አይደለም። ተከታታይ ጥያቄዎች ለእያንዳንዱ ውጤት ምክንያት እንዳለው ያሳያሉ፦ አንበሳ የሚያገሣው አደን ስላለው ነው፤ ሉዓላዊው አብም ለነቢያቱ ሳይነግር ምንም አያደርግም — ስለዚህ የሰማርያ የዝሆን ጥርስ ቤቶች ይፈርሳሉ።

ምዕራፍ 3።

የእስራኤል ልጆች ሆይ፤ አባታችን በእናንተ ላይ፣ ከግብፅ ባወጣሁት ቤተ ሰብ ሁሉ ላይ የተናገረውን ይህን ቃል ስሙ፦

ከምድር ቤተ ሰቦች ሁሉ ያወቅኋችሁ እናንተን ብቻ ነው፤ ስለዚህ ስለ ኀጢአታችሁ ሁሉ እጠይቃችኋለሁ።

ሁለት ሰዎች ለመገናኘት ካልተስማሙ በቀር አብረው ይሄዳሉን? አንበሳ የሚያድነው ሳይኖረው በዱር ውስጥ ያገሣልን? ደቦል አንበሳስ ምንም ሳይዝ ከዋሻው ይጮኻልን? ወፍ ማጥመጃ ሳይኖርላት በመሬት ላይ ወደ ወጥመድ ትወድቃለችን? ወጥመድስ ምንም ሳይዝ ከምድር ይነሣልን? በከተማ ውስጥ ቀንደ መለከት ቢነፋ፣ ሕዝቡ አይደነግጥምን? በከተማ ላይ ጥፋት ቢመጣ፣ አባታችን ያደረገው አይደለምን? በእርግጥ ጌታ አባታችን ምሥጢሩን ለባሪያዎቹ ለነቢያት ሳይገልጥ ምንም አያደርግም። አንበሳ አግሥቷል፤ ማን አይፈራም? ጌታ አባታችን ተናግሯል፤ ማን ትንቢት ሳይናገር ይቀራል?

በአሽዶድ ምሽጎች ላይ፣ በግብፅም ምድር ምሽጎች ላይ ዐውጁ፤ እንዲህም በሉ፤ “በሰማርያ ተራሮች ላይ ተሰብሰቡ፤ በውስጧም ያለውን ታላቅ ሁከት፣ በመካከሏም ያለውን ግፍ እዩ።” ትክክለኛውን ነገር ማድረግ አያውቁም፤ ይላል አባታችን፤ በምሽጎቻቸው ዐመፅንና ዝርፊያን የሚያከማቹ።

ስለዚህ ጌታ አባታችን እንዲህ ይላል፤ ጠላት ምድሪቱን ይከብባል፤ አምባህን ያፈርሳል፤ ምሽጎችህንም ይዘርፋል።

አባታችን እንዲህ ይላል፤ እረኛ ከአንበሳ አፍ ሁለት እግር ወይም የጆሮ ቍራጭ እንደሚያድን፣ እንዲሁ በሰማርያ የሚኖሩ የእስራኤል ልጆች፣ የዐራት ጥግ፣ የአልጋም ቍራጭ ይዘው ይድናሉ። ስሙ፤ በያዕቆብም ቤት ላይ መስክሩ፤ ይላል ጌታ አባታችን፣ የሰማይ ሠራዊት አባት፦ እስራኤልን ስለ ዐመፆቹ በምቀጣበት ቀን፣ የቤቴልንም መሠዊያዎች እቀጣለሁ፤ የመሠዊያውም ቀንዶች ተቈርጠው ወደ መሬት ይወድቃሉ። የክረምቱን ቤት ከበጋው ቤት ጋራ እመታለሁ፤ የዝሆን ጥርስ ቤቶች ይጠፋሉ፤ ታላላቆቹም ቤቶች ያከትማሉ፤ ይላል አባታችን።