ኢሳይያስ 12 FHB Father's Heart Bible™

12 ¹በዚያም ቀን እንዲህ ትላለህ፤ “አባቴ ሆይ፣ አመሰግንሃለሁ፤ በእኔ ላይ ተቈጥተህ የነበርህ ብትሆንም፣ ቍጣህ ተመልሷል፤ አንተም አጽናናኸኝ።” ²እነሆ፣ አባታችን መዳኔ ነው፤ እታመናለሁ፤ አልፈራም፤ አባቴ ኀይሌና መዝሙሬ ነውና፤ እርሱም መዳኔ ሆኗል። ³ከመዳን ጕድጓዶች በደስታ ውሃ ትቀዳላችሁ። ⁴በዚያም ቀን እንዲህ ትላላችሁ፤ “አባታችንን አመስግኑ፤ ስሙን ጥሩ፤ ሥራዎቹን ለሕዝቦች ሁሉ ንገሩ፤ ስሙ ከፍ ከፍ እንዳለ አውጁ። ⁵ለአባታችን ዘምሩ፤ ድንቅ ነገር አድርጓልና፤ ይህም በምድር ሁሉ ይታወቅ። ⁶አንቺ የጽዮን ነዋሪ ሆይ፣ ጮኸሽ እልል በዪ፤ በደስታም ዘምሪ፤ የእስራኤል ቅዱስ የሆነው አባታችን በመካከልሽ ታላቅ ነውና።”