Nakaugat sa Ama
Isang awit ng pag-akyat.
Inilalarawan ang pagtitiwala sa paraang heograpiko. Ang mga nagtitiwala ay matatag na parang Bundok Sion, at pinaliligiran sila ng ating Ama kung paanong pinaliligiran ng mga burol ang Jerusalem. Hindi mananatili ang paghahari ng masama sa lupaing ito, sapagkat matutukso nito ang mabubuting tao na gumawa ng masama.
125 1Ang mga nagtitiwala sa ating Ama ay tulad ng Bundok Sion, na hindi matitinag kundi mananatili magpakailanman. 2Kung paanong nakapaligid ang mga bundok sa Jerusalem, gayon nakapaligid ang ating Ama sa kanyang bayan, ngayon at magpakailanman. 3Ang setro ng kasamaan ay hindi mananatili sa lupaing inilaan sa mga matuwid, upang hindi iunat ng mga matuwid ang kanilang mga kamay sa paggawa ng masama. 4Gumawa ka ng mabuti, ating Ama, sa mga mabubuti, sa mga matuwid ang mga puso. 5Ngunit ang mga lumilihis sa kanilang mga baluktot na landas, ang ating Ama ay magtataboy sa kanila kasama ng mga gumagawa ng masama. Kapayapaan nawa sa Israel!
