१ इतिहास 3

3 ¹हेब्रोनमध्ये दाविदाला झालेले पुत्र: पहिला अम्नोन, इज्रेएलच्या अहीनोवामपासून; दुसरा दानीएल, कर्मेलच्या अबीगईलपासून; ²तिसरा अबशालोम, गशूरचा राजा तलमय याची मुलगी माका हिचा पुत्र; चौथा अदोनीया, हग्गीथेचा पुत्र; ³पाचवा शफट्या, अबीटालपासून; सहावा इथ्राम, त्याची पत्नी एग्ला हिचा पुत्र. ⁴हे सहा पुत्र त्याला हेब्रोनमध्ये झाले, जेथे त्याने सात वर्षे सहा महिने राज्य केले; आणि यरुशलेमेत त्याने तेहतीस वर्षे राज्य केले. ⁵यरुशलेमेत त्याला झालेले पुत्र: शिमा, शोबाब, नाथान व शलमोन—हे चौघे अम्मीएलाची मुलगी बथशूवा हिचे पुत्र; ⁶आणखी इभार, अलीशामा, अलीफेलेट, ⁷नोगा, नेफेग, याफीय, ⁸अलीशामा, एल्यादा व अलीफेलेट—असे नऊ जण. ⁹हे सर्व दाविदाचे पुत्र होते; त्यांशिवाय त्याच्या उपपत्नींचेही पुत्र होते; आणि तामार ही त्यांची बहीण होती.

¹⁰शलमोनाचा पुत्र रहबाम; त्याचा पुत्र अबीया, त्याचा पुत्र आसा, त्याचा पुत्र यहोशाफाट, ¹¹त्याचा पुत्र योराम, त्याचा पुत्र अहज्या, त्याचा पुत्र योवाश, ¹²त्याचा पुत्र अमस्या, त्याचा पुत्र अजऱ्या, त्याचा पुत्र योथाम, ¹³त्याचा पुत्र आहाज, त्याचा पुत्र हिज्कीया, त्याचा पुत्र मनश्शे, ¹⁴त्याचा पुत्र आमोन, त्याचा पुत्र योशीया. ¹⁵योशीयाचे पुत्र: पहिला योहानान; दुसरा यहोयाकीम; तिसरा सिद्कीया; चौथा शल्लूम. ¹⁶यहोयाकीमाचे पुत्र: त्याचा पुत्र यखन्या, त्याचा पुत्र सिद्कीया.

¹⁷बंदिवान यखन्याचे पुत्र: त्याचा पुत्र शल्तीएल, ¹⁸मल्कीराम, पदाया, शनस्सर, यकम्या, होशामा व नदब्या. ¹⁹पदायाचे पुत्र: जरुब्बाबेल व शिमी. जरुब्बाबेलाचे पुत्र: मशुल्लाम व हनन्या, आणि त्यांची बहीण शलोमीथ, ²⁰आणि हशूबा, ओहेल, बरेख्या, हसद्या व यूशब-हेसेद—असे पाच जण. ²¹हनन्याचे पुत्र: पलट्या व यशया; रफायाचे पुत्र, अर्नानाचे पुत्र, ओबद्याचे पुत्र, शखन्याचे पुत्र. ²²शखन्याचे पुत्र: शमाया. शमायाचे पुत्र: हत्तूश, इगाल, बरीय, नऱ्या व शाफाट—असे सहा जण. ²³नऱ्याचे पुत्र: एल्योएने, हिज्कीया व अज्रीकाम—असे तीन जण. ²⁴एल्योएनेचे पुत्र: होदव्या, एल्याशीब, पलाया, अक्कूब, योहानान, दलाया व अनानी—असे सात जण.