यशया 12

12 ¹आणि त्या दिवशी तू म्हणशील: “हे माझ्या पित्या, मी तुझी स्तुती करीन, कारण तू माझ्यावर रागावला होतास, तरी तुझा राग निवळला आहे, आणि तू माझे सांत्वन केले आहेस. ²पाहा, आमचा पिता माझे तारण आहे; मी भरवसा ठेवीन आणि भिणार नाही, कारण माझा पिता माझे सामर्थ्य व माझे गीत आहे; तो माझे तारण झाला आहे.” ³आनंदाने तुम्ही तारणाच्या झऱ्यांतून पाणी काढाल. ⁴आणि त्या दिवशी तुम्ही म्हणाल: “आमच्या पित्याचे उपकारस्मरण करा, त्याच्या नावाचा धावा करा, त्याची कृत्ये सर्व लोकांना जाहीर करा, त्याचे नाव उन्नत आहे असे घोषित करा. ⁵आमच्या पित्याला गा, कारण त्याने गौरवशाली कृत्ये केली आहेत; हे सर्व पृथ्वीभर कळू द्या. ⁶मोठ्याने जयघोष कर आणि आनंदाने गा, हे सीयोनच्या रहिवासी, कारण इस्राएलाचा पवित्र—आमचा पिता—तुझ्यामध्ये थोर आहे.”