यशया 20

20 ¹ज्या वर्षी अश्शूराचा राजा सर्गोन याने पाठवलेला सेनापती अश्दोदास आला, त्याने अश्दोदावर हल्ला केला आणि ते काबीज केले;

²त्या वेळी आमच्या पित्याने आमोजाचा पुत्र यशया याच्याद्वारे सांगितले, “तुझ्या कमरेचे तरट सोडून टाक आणि पायातील वहाणा काढून टाक.” त्याने तसे केले आणि तो उघडा व अनवाणी चालला. ³मग आमचा पिता म्हणाला, “जसा माझा सेवक यशया तीन वर्षे उघडा व अनवाणी चालला, हे मिसर व कूश यांविरुद्ध एक चिन्ह व शकुन आहे, ^a a v3 कूश हे त्या प्रदेशाचे प्राचीन नाव आहे, जो आता सुदान व उत्तर इथिओपिया याने व्यापलेला आहे. ⁴तसाच अश्शूराचा राजा मिसराच्या बंदिवानांना व कूशाच्या हद्दपार केलेल्यांना, तरुण व वृद्ध यांना, उघडेनागडे, अनवाणी, ढुंगणे उघडी करून घेऊन जाईल—मिसराची लाज उघड करील. ⁵तेव्हा ते आपली आशा असलेल्या कूशामुळे व आपला अभिमान असलेल्या मिसरामुळे घाबरून जातील व लज्जित होतील. ⁶त्या दिवशी या समुद्रकिनाऱ्यावरील लोक म्हणतील, ‘पाहा, आमच्या आशेचे काय झाले! अश्शूराच्या राजापासून सुटका व्हावी म्हणून आम्ही जिकडे मदतीसाठी पळालो होतो, त्याची ही गत! आता आम्ही कसे निसटणार?’”