स्तोत्रसंहिता 70

70 ¹माझ्या पित्या, मला सोडवण्यास त्वरा कर! माझ्या पित्या, माझ्या साहाय्यास त्वरा कर! ²जे माझा जीव घेऊ पाहतात ते लज्जित व फजित होवोत; ज्यांना माझ्या हानीत आनंद वाटतो ते मागे परतवले जावोत व अपमानित होवोत. ³जे “अहाहा! अहाहा!” म्हणतात ते आपल्या लज्जेमुळे मागे परतवले जावोत.

⁴पण जे सर्व तुला शोधतात ते तुझ्यामध्ये आनंदित व हर्षित होवोत; ज्यांना तुझे तारण प्रिय आहे ते सदा म्हणोत, “आमचा पिता थोर आहे!” ⁵पण मी दीन व गरजू आहे; माझ्या पित्या, माझ्याकडे त्वरा कर! तूच माझे साहाय्य व माझा सोडवणारा आहेस; माझ्या पित्या, विलंब करू नकोस.