Mordecaiwui Reikhamatai
Awungawui thotrinchān thāda kapikahai tuirin kathum khalei khanao akha: awungana ngalei kala tara̱ ngalembingli lanwui kha̱ sāi, kala wungpamkhongwui thili kakhanewui Mordecai chi awui pangshap chi awui mibingwui kaphāwui vang phākhui kala awui mibingli chingrikhavai tui hāngmi kaji eina phaningungi.
10 1Awunga Ahasuerusna ngaleili kala shamadruwui ngayipheili shai milu jihaowa. 2Awui pangshap kala kaping ot saikora, kala awungana Mordecaili reikhamatai juingasaka kahaiwui pao saikora, Media eina Persiawui Awungabingwui Thotrinchān Lairikli makapiserhaimala? 3Jehudipa Mordecai, Awunga Ahasueruswui kakhane sai, Jehudibingwui alungli kahaka, achinā ngarā kachungkhawui ngahanngaimeikap, awui mibingwui kaphā phākazatna, kala awui ara̱-azā saikorali chingri kahai hāngmi.
