Kazingramshong Mik Ngashānkā
Kākāwui Laa.
Ngasoda ngaraikhaiwui laa kateo akha. Mirāo kasābingna akāsāwui pangli yangkhami chi laa saikora—imik ithumwui Avāli masaka, ali akhana khui khavai ngaralungda. Mibingna hāngra, ningmataida kharābingwui kala ngaraimik kasābingwui ningmazat ithumna ngarālāk pakāhai.
123 1Kazingramli kapama na, nali ina imik ngashānkāli. 2Yanglu, raobingwui mik athumwui akhavāwui pāngli yangda thāda, rao sha̱naowui mik achonwui pāngli yangda thāda, chithāda ithumwui mik ithumwui Avāli yangchinga, ana ithumli lumashanmiranglakha eina tangda. 3Ithumli khalumashanmilu, ithumwui Avā, ithumli khalumashanmilu, kaja ithumna mana̱kashi lāngmeikharda samphanghaira. 4Ithumwui manglāna okthuibingwui mana̱shi kala langkasobingwui mana̱kashi chi lāngmeikharda samphanghaira.
