Avāli angayung sākahai
Kākhavaiwui laa.
Ngachei kasa chi ngalei kaji eina hāng. Ngachei kasabing Zion Phungrei thāda manganaithuimana, kala phungreibingna Jerusalem kakhum thāda ithumwui Avāna ali kakhum. Kharāwui rāo hi ngaleiwui tungli leikhuimara, kaja chiwui eina kaphā mibingli kasaili zangkhavai phāramkhuira.
125 1Ithumwui Avāli shitsangabing chi Zion Kaphung kathāna, chi mangatha̱ ngasaklakmara, kha mashimānda leichingra. 2Kaphungbingna Jerusalemli kuinam kahai thāda, chithāda ithumwui Avāna arui eina thuida katang mavaila awui mibingli kuinama. 3Makhayāwui khānthing chi khangarongabingwui shimlui ngaleitungli mangasāmlakmara, chieina khangarongabingna khangui ot sākhavai athumwui pāng makatingvāmara. 4O ithumwui Avā, kaphā mibingli, wuklung khangatarbingli kaphā sāmilu. 5Kha athumwui kha̱khamakhei shongfali zangabing chi, ithumwui Avāna athumli makaphā kasābing eina thānthuira. Israelli chingri kahai leiranu!
