Tekhri Kerikena Lano Pahe Kezho Kerikena

Kedeo phi tso thino: thüma 24,000 tekhri metsü metsü kede ce yitho thipü, ye kezhoko, mu grape ceko, olive ceko, mhati mu nadepü mhatiko choyi kethimiko. Mhakeseko metü sheri rüo thisü—mu ha Po nümo shusü khazhonu kekhrü süo kemetho thiva mo bide mikhrikhro bade thosüzo.

Kezhü 27.

Hihi Israelmi phi tso zo—yemi kezhoko, mi nye mu mi se kezhoko, mu tütse metsü tekhri metsü revu vori vo tapü thükrako mha metülü kedeo yitho thipü kefüko; thükra pülü 24,000 zo.

Thükra thüralü kezhoo, tekhri thüra lano, Zabdiel nu Jashobeam zo; pü thükra phi tso 24,000 zo. Pü Perez ye-o zo, tekhri thüra lano pahe kezhoko metü kezho utho zo. Ahohmi Dodai-e tekhri kena thükra kezho; Mikloth pü thükra kefü utho zo; mi 24,000 ba. Pahe kezho süho, tekhri süh lano: thevoo Jehoiada nu Benaiah, kezho utho; pü thükra 24,000 zo. Hio Benaiah thiri dolü kekumi mu uko kezhoo zo; pü nu Ammizabad-e pü thükra kezho. Dao, tekhri da lano: Asahel, Joab aza, süsa pü nu Zebadiah; pü thükra 24,000 zo. Pünguo, tekhri ngu lano, kezhoo Izrahmi Shamhuth zo; pü thükra phi tso 24,000 zo. Shurüo, tekhri shurü lano, Tekomi Ikkesh nu Ira zo; pü thükra phi tso 24,000 zo. Thünao, tekhri thüna lano: Ephraim ye-o Pelonmi Helez; pü thükra 24,000 zo. Tüthao, tekhri tütha lano, Zerahmi yie lü Hushami Sibbecai zo; pü thükra phi tso 24,000 zo. Thüküo, tekhri thükü lano, Benjamin yie lü Anathothmi Abiezer zo; pü thükra phi tso 24,000 zo. Keri, tekhri keri lano, Zerahmi yie lü Netophami Maharai zo; pü thükra phi tso 24,000 zo. Keripü, tekhri keripü lano: Ephraim ye-o Pirathonmi Benaiah; pü thükra 24,000 zo. Kerikena, tekhri kerikena lano: Othniel shuyelü Netophami Heldai; pü thükra 24,000 zo.

Israel Shuyeko Metü Kezhoko

Israel shuyeko metü: Reubenmi kezhoo Zichri nu Eliezer zo; Simeonmi kezhoo, Maacah nu Shephatiah, Levi lano, Kemuel nu Hashabiah; Aaron lano, Zadok; Judah lano, David azako dolü pü Elihu; Issachar lano, Michael nu Omri; Zebulun lano, Obadiah nu Ishmaiah; Naphtali lano, Azriel nu Jerimoth; Ephraim yemi lano, Azaziah nu Hoshea; Manasseh shuye kemekre lano, Pedaiah nu Joel, Gilead lü Manasseh shuye kemekre lano, Zecharia nu Iddo; Benjamin lano, Abner nu Jaasiel; Dan lano, Jeroham nu Azarel. Hiko Israel shuyeko kezhoko zo. David-e tütse 20 mu süo sieko phitsomota, kekrelamori ha Poe Israel tüyo thenyüko bi kekro thipü reshü de po kesüla. Zeruiah nu Joab-e phi tso thitsoyi vele thi tsoyimota; süola Israel yo lüda vorita, sidie süo phi tso metü kedeo David ketholesilü kevomota.

Kedeo Mhazhüko Metü Kezhoko

Adiel nu Azmaveth-e kedeo presa lekho metü thi, mu Uzia nu Jonathan-e thera, nadeko, rünako, mu kemejuko lü mha kese lekho metü thi. Cejü yopü thera yithomiko metü Chelub nu Ezri zo. Ramathmi Shimei-e hezo sü therako metü thi; Shiphmmi Zabdi-e hezo lekho lano u zhüko metü thi. Gedermi Baal-hanan-e cejütu puyolü olive sübo mu lekubo metü thi; Joash-e olive tirü lekho metü thi. Sharonmi Shitrai-e Sharon lü thevo kebapü khonuko metü thi; Adlai nu Shaphat-e nadirülü khonuko metü thi. Camelko metü Ishmaelmi Obil zo; mu gada metü Meronothmi Jehdeiah zo. Teko metü Hagrimi Jaziz zo; hiko metü kedeo David mhazhüko metü kezhoko zo.

David celümi Jonathan tarhoyi, selü bami mu ketholemi zo; mu Hachmoni nu Jehiel-e kedeo nuko theküsü. Ahithophel kedeo tarhoyi zo, mu Archmi Hushai kedeo ketsüpü zo. Ahithophel chenu: Benaiah nu Jehoiada, mu Abiathar. Joab-e kedeo paheko kezho.