Samuel Künao 1 FHB Father's Heart Bible™

1 ¹Saul sata süze, David Amalekmiko dokhri vade sala vori, de Ziklag lü vakena kena tayi. ²Vakena thiri lü mipü Saul kehüthi celü vori, pü füneko cekhrota, pü pi la khrü koyo. David ce voride, pü cejü merüpü bata de chietü.

³David püce poti, “No dipüce celü vori?” “I Israel kehüthi celü tayi,” pü fü kelakesü.

⁴“Dipü thita?” David poti. “Ice posüte.” Pü poti, “Thümako theri celü takhi. Mükro tsüde sata. Saul mu pünu Jonathan sheri sata.”

⁵David jü thopü nene khreo ce poti, “No Saul mu pünu Jonathan sata dipüsü seta?”

⁶Nene khreo poti, “I Gilboa cejütu lü ta vorita, süsa yhie Saul pü ngu lü mengupü keba ba, chariots mu gura paheko püyo vori kezü. ⁷Pü regüpra, ice ngosü, de icü. I poti, ‘I hilü ba.’ ⁸Pü ice poti, ‘No sopü?’ I püce poti, ‘I Amalekmi zo.’ ⁹Pü ice poti, ‘A piyo dokhripü de i dokhrite; lüzhe ice püzüta, vele i tha rhü ba.’ ¹⁰Süsa I pü piyo dokhripü de pü dokhriva, kekrelamori pü tsüde rhü lamo seba. Side I pü pi celü pira mu pü bo lü keba küna khipü, a niepoo ce hilü tsüsü.”

¹¹Süsa David pütho füneko tüsü de cekhrota, mu püzü keba thümako metü sheri sübi thita. ¹²Uko Saul, pünu Jonathan, ha Po thümako, mu Israel ki la, thükri thisü, krasü, de nüzha tso mevo, kekrelamori uko zecho celü tsüta.

¹³David jü thopü nene khreo ce poti, “No dipüce celü?” Pü poti, “I sekemo thüma nu, Amalekmi zo.”

¹⁴David poti, “No ha Po nie kütsüpüh dokhri ketola, no be khrüpü dipüsü mha huhu thimo?” ¹⁵David pü nene khresa mipü cüsü de poti, “Vo, pü dovüte.” Pü düva, de pü sata. ¹⁶David püce poti, “No thüza no pi la zo, kekrelamori no ta no kha zhopo thisü, no ‘I ha Po nie kütsüpüh dokhriva’ zita.”

Kekuthoo Dipüsü Tsüta

¹⁷Süsa David Saul mu pünu Jonathan la hio thekri jü chusü, ¹⁸mu Judahmiko hio thekri jü metha süno posü, pü za Li zisü; süo Jashar lesida lü ju theba: ^a a v18 Jashar lesida hihi müzü keta Israelmiko kekuthoko jü vopü keba, vele süo tsühi tso rhü lamo. ¹⁹“Israel, no zapozale, no cejütu metüyo dokhri keta bayo. Kekuthoo dipüsü tsüta! ²⁰Süo Gath lü posü tahite, Ashkelon sholiko lü mütha süsü tahite, süze Philistine thenomiko nüyi to, yirükemoko thenomiko rechü to. ²¹Gilboa cejütuko, neko lü dü mori türü khamo tate, mhakha süyi yiko sheri tamo tate. Kekrelamori sülü kekuthoo shie müze süta, Saul shie, tir püh kenhü lamo. ^b b v21 Theri thümako uthi shieko vepü de theri thi ketola kropü züyi ketola, rünyü tir püh nhü züyo; tir kenhü kemopü shie süo süta de mha phuzo kemo. ²²Dokhri ketako thüza celü, kekuthoo upho celü, Jonathan li sala retu mota, Saul zecho sheri kemopü retu mota. ²³Saul mu Jonathan, rhüla kerhüce kükhrü kütsü mu kümüzhie keta, sata lü sheri uni kekhokemota. Uni thirha ce metha vo, losha ce keku. ²⁴Israel thenomiko, Saul la krayite, neko merezütsü mu mhaveko püh whü, neko füneko suna mhanyoko püh kropüo. ²⁵Kekuthoo theri metsulü dipüsü tsüta! Jonathan no cejütu metüyo dokhri keta bayo. ²⁶I no la kümüzhe, a sazüh Jonathan; no ice kümüzhie neku ba. No ice khrü kütsü rünyü shü kütana, thenomiko khrü ce veku. ²⁷Kekuthoo dipüsü tsüta! Theri rinyie müka.”