Eliphaze Mhafü Po
Vele lano Eliphaz müjo keyiko reni: kedimiko füne khiva, theri keta thüma ce jü prümo, mu samepüko besüh prasü zi po. Pü Job ce Jihova la thipü thite, pü suna jüde khide Kepfüthoo pü suna thisüte zi po. Lüdo hio mha keve bi se, vele müjo keyi kemeda zo.
22 1Süsa Temanmi Eliphaze poti: 2“Thümae Jihova la kemeve kebapü me? Mhase thümae pü pülü hani kemeve bazo. 3No mezi lize, kekuo la nü kebapü me, mori no mejo vamo kesade hü lize, Pü la kemeve kebapü me? 4No choyithi la zori Pü no chumo die, no se kemesa lü no züh vori me? 5No mesakemo kezhoo mozo me? No kekri kekro mesho bamo me? 6Kekrelamori no cekroko celü lamo kesü zhü demas die, müthu kebako füne khiva. 7No müsi küta kebako jü be müne tsümo, mu kümüzhie kebako tsü khava. 8Kuku kebao thümae cejü keta, mu khrü kepüpü süo sülü hü bata. a a v8 Eliphaze Job kuku kebako hani cejü kebazo zisü nthita, müri kebako nothümao khava zita. 9No samepüko besüh prasü, mu mürinumi bo prü. 10Mha hiola jüra no hu püyi, mu rekri sasü nethipüe no züh müzhie; 11mori kezü no regüsü, no ngomo, mu jü zü no züh whuyi tato. 12Jihova tüyo kerekrütho lü bamo me? Kerekrütho thethükhako kerekrüveri pete! 13Sizosheri no poti, ‘Jihova dipü she? Sübi kezü revü lülü Pü se kemesa kebapü me? 14Kemhü kediko püyo yopüh die, Pü ngomo, mu Pü tüyo kerekrü chokolü chota.’ 15Mesakemo miko kepota püza cho süo no füzü tayo me? 16Uko timesü mote khipü tata, uko humi bodü jüde khipü tata. 17Uko Jihova ce poti, ‘Ha khapü tapra tate! Kekuo ha la dipü thita kebapü?’ 18Sizosheri Püe uko kiko mha keveko thi chu—süla I mesakemo miko müdolü nothümao thita menyümo. 19Kemelü miko süo ngo die anü; kekri mozomiko mesakemo miko krühnyi die poti, 20‘Mhase ha ngomumiko meka ketoo thita, mu uko khapü thelako mie tse khietazo.’ 21Tsühi no Jihova ce khrikhro die, Pü zü kezükeve ba hite; sizi lü no la mha keve vorito. 22Pü talü celü thükü müzho ngote, mu Pü poko no mülü lüte. 23No kekuo ce retu lize, no thi mve vato; no mezikemo no ki celü rapeco düvate lize, 24mu no suna cejü lü lüte, Ophir suna süo jü cho ketsüko dolü lüte, b b v24 Ophir süo püza cejülü suna kevetho ngopüce kelü mhasepü bata. 25sizitalize kekuo Pü hani no suna thiyi to, no raka püma kerü thiyi to. 26Sizitalize no kekuo lü anü to, mu no pono Jihova ce pete. 27No Pü ce prayi to, mu Püe no renyi to, mu no kha kesüko thita to. 28No kesopü süo thitso süto, mu no chokolü keve nve tato. 29Humi kemoko netho thi renu lize, no poti, ‘Süko müsü sü hite!’ Püe khaküvako lavo süto. 30Püe kekri kebao thümao ri lavo süto, pü no be kemesa lülü lavo kelü thito.”
