Mha Metü Pü Zhü Zo
David Chele.
Cejü mu sülü keta metü ha Po zhü zo süosü, Pu celü vori lamori Pü kemetü lü zo: be mesa, melü mesa, mu murimu cho mo. Süsa kharüko za pükhrü süte zisü kha, zapozale Kedeo, therilü keku, vori ketola.
24 1Cejü, mu sülü keta metü sheri, cejüo, mu sülü rhü kebami metü, hiko metü ha Po zhü zo. 2Kekrelamori Pue dzüküzholü pü mejudüsü, mu rivelü pü thisü. 3Thüma dipü ha Po cejütuo khori veta? Mu thüma dipü pü kemesa thethilü thayi veta? 4Be mesa mu melü mesa küba thüma, pü melü kücejüolü bamo, mu kücejü de reshu thimo. 5Pue ha Po celü thejo ngoyito, mu pü kelapü pü Po celü kemezi ngoyito. 6Hiko Pü phuyi nuko zo, Jacob Jihova, puko neko zü phuyo. a a v6 Selah: hihi chu tice mha khu mede küku, mori kehokero thiyi tüse ba lezibale; verse 10 lü sheri bazo.
7Neko pi pükhrü sü pete, kharüko! Pükhrü süte, neko pethio cekhako, silize zapozale Kedeo lümoyito. 8Hio zapozale Kedeo dipü zo? Ha Po, kemetü mu keku, ha Po, therilü keku zo. b b v8 Kharüko lümopü zapozale Kedeo hihi ha Po pütho zo, pü kelayi kemetü mu pü natsimiko thiphrüyi keku zo. 9Neko pi pükhrü sü pete, kharüko! Pükhrü süte, neko pethio cekhako, silize zapozale Kedeo lümoyito. 10Hio zapozale Kedeo, pü dipü zo? Tüyo Krodeko Po—Pü zapozale Kedeo zo.
