Khri lü Kethozo
Kepfüthoo khri lü, pü sheli lü kerelü kehopüri, toshi celü, kesa küthi celü, tüzü nethipü celü mu bavüdoo thepü celü süphra süto zisü po kesü, mu pü mütü choko lü tüyo choyimiko-e nbuyi tato. Mezi lü ha Poe po: pü a ce khrü lü lüta ketola, I pü kela po süto.
Ha Po verse hikolü po ba 14–16
91 1Thüma kekuo sheli lü kehopüri, kepfüthoo khri lü kerelü thethi yito.
2I a Po ce poyito, “Pu a rezhüba mu a kede zo, a Po, I kemelümi.”
3Thisü pü no taphemi toshi celü mu kesa küthi celü süphra süto. 4Pü pü si lü no hahuyi tato, mu pü püsikhro no sheli ngoyito; pü kemelü no shie mu merha zo. 5No tüzü nethipü methi mote, tüso lü da keto tsaküthi ri methi mote, 6kezü lü whi keto küthi ri methi mote, bavüdo shorüho lü methiva keto thepü ri methi mote. 7Tütse no khri lü jo tato, 10,000 no be püzaco lü, vele süo no ce vori tamote. 8No to süri lebi, kemoko sazho ngoyito.
9Kekrelamori no a Po no rezhüba thiva— kekuo no kehü 10mhakesu no ce vori tamote, thepü no reshü ce vori tamote. 11Kekrelamori pü tüyo choyimi ketsüpü no mütü choko lü nbuyi tato de npo krimo zoto. a a v11 Satan Jisu nhatsa lü medoküphi kebalü, pü hio dzü süo poba, a Po kebuyi kethejoo medoküphi keti kesü thiva. Vele Jisu, ketho Nuo, pü Po medoküphi mode, pü kemelü sü. 12Uko ko belü no nkekriyi tato, sizi no ketsüyo nphe meshü mo ketola. 13No losha mu nhibü kedü vato; losha nu mu tenhi no uphe püh küdu vato.
14“Kekrelamori pü khrü lü a ce lüta, I pü süphra süto; I pü pilü tsü süto, kekrelamori pü a za seba. 15Pü a ce cüto, mu I pü kela po süto; müzhie lü I pü mu zü süto; I pü süphra süto mu pü rho süto. 16Kürhüh kemetü lü I pü nü thi süto mu a kelakeyi pü tha süto.”
