Tüyochoyi Kekuo Tavo Kita
Tüyochoyi mipüe pü püphezi mipü jükezho yo mu mipü cejü yo thava die ha Po za lü reshu: pütü menu taho mode. Tüsü thüna po ta, vele John süo tho va hite küpoti. Pü lesida kedipü tita; pü talü mükhizü bi hezo kesa, vele tiyi küta sa a vade khu mezü. Pü sala mi mütha po sü zü.
10 1Süsa, tüyochoyi keku kekre tüyo lü ta kita kezü I ngota. Pü kemhülü zhüpü, pü upi yo füsü ba, pü zü nace bi, pü phezi fükera bodü bi. 2Pü lesida kedipü phrüsüo khiva; pü phe kedebao jükezho yo thava die, pü phe kekreo cejü yo thava, 3sidie losha kerü bi pü semütota. Pü semütoce, tüsü thüna po ta.
4Tüsü thüna po tice, I tho lü bata; vele tüyo lüno füphra I se die, pü po die, “Tüsü thüna po süko mohor vüte; süo tho va hite.”
5Süsa, jükezho mu cejü yo tha kezü I ngopü tüyochoyio, pü be kedebao tüyo lü phu mesüta, 6sidie pü, kechothe zapozale kehüo, tüyo mu süolü mha metüko, cejü mu süolü mha metüko, jükezho mu süolü mha metüko thisü ha Po za lü reshu die, “Pütü menu taho mode! 7Tüyochoyi thünao pü thecü fü küvori tice, pü theküo saju kepoko ce pü mi mütha popü bi, ha Po dzü kümüsü thitso süto.” a a v7 Ha Poe saju kepoko talü mi mütha popü dzü kümüsüho, Pü Nuo lü thitso süzo — shühye thüma metüko ce züyi küveo (Ephesians 3:8-9; Colossians 1:26-27).
8Tüyo lüno füphra a ce küzüve po die, “Vote, jükezho mu cejü yo tha kezü tüyochoyio be celü lesida phrüsüo pühyi.”
9Süsa I tüyochoyio ce vota die, lesida kedipü I shota. Pü poti, “Süo pühyi die tite. Süo n vade khu mezü süto, vele n talü mükhizü bi hezo kesa süto.”
10I tüyochoyio be celü lesida kedipü pühyi die, süo I tita. A talü mükhizü bi hezo kesa ta; vele tiyi küta sa, a vade khu mezü mühata. 11Süsa uko a ce poti, “No thüma kekro, shuyeko, ujü kekre ketsüko, mu kedeko dzu küzüve saju po mürato.”
