Po ngokümüzhe kalümiko
Uko sisheri mhalü kümoko, jüzü kemoko, hunehu meshu kebako tazo; khava süo ha Po kükhrü, küde khrü mu Kemesa Rüpü küdelü sü, uko mhatho celü mozo, uko kalümi thi süsü. Süla: mhatho keve, thezho lü kümüli mo, mu kelakre thümace kenasü merai sü kevasa khava.
3 1No uko ce rükrayi te, uko thezho kemeleko mu kekuko khro die rünyi te, mu mhatho keve metülü meso ba te, 2mipüri Sali thi mo te, kümüli mütsü te, tsümela te, mu mimetü ce metü tsümela ti mesü te. 3Ha sheri sisheri mhalü kümoko, jüzü kemoko, kedova kebako tazo; vari münyü mu ukemenyü ko ce choyi thi keta, mali mu phimu lü keba, ngometsü, hunehu meshu keta tazo. 4Vele ha Po, ha kelakeyi, pü kemenu mu kükhrü mphrü mese ba tüce, a a v4 Hilü "Kelakeyimi" zisü ha Po pütho züzo — lakeyi kümülhotho pü, pü Nuo celü mu pü Rüpü celü ha lakeyimi pü (verse 5-6). 5pü ha lakeyi—ha mhatho kümatho thisüla zomo, vele pü phikemezhe lü, küde khrü mu Kemesa Rüpü küdelü ha lakeyi, 6süo pü ha kelakeyi Jisu Khrista lü ha lü zhophi büfü sü, 7side pü ngokümüzhe lü müziyi keta, ha kechothe kehü kümüri lü kalümi tayi ketola. 8Dzü hihi kethotü zo: Mha hiko no tho pota ba te zita i cho zo, side Po ce kemelümiko mhatho kevelü thisü ba te thayi te. Mha hiko keve mu mimetü ce lari zo.
9Vele vee mhalü kümo dzüko, upotsaneko dzüko, sehomo, mu thezho kümülikoce mütsü te, kükrelamori süko kemechü mu kümüchüzo. 10Kelakre thümace merai tahitarho te, süsa suku melü; süsa pu zü uni mhatho mo te, 11thüma süko chokhü prapü mu kephomami zo kütsü se te; pü püphoyo müjo keta thazo.
Thüla Dzü mu Mi Külüko
12I Artemas mori Tychicus no ce tsüsü tüce, no müzhe Nicopolis lü ace votato kezü lü thi ba te, kükrelamori I sülü tüsü thiyi a thisü ta. 13Jüpo kese Zenas mu Apollo müzhe uko azü vori te; uko dipü ba sa mo te thayi te. 14Ha thümako sheri mhatho kevelü thisü ba seyi te, khimo kesüko tsü ba te, mu use rüthiyi mo keta mo te.
15Azü kebako metü no külü. Kemelülü ha khrüko külü te. Ngokümüzhe neko metü zü ba te.
