ਜ਼ਬੂਰ 136

136 ¹ਸਾਡੇ ਪਿਤਾ ਦਾ ਧੰਨਵਾਦ ਕਰੋ, ਕਿਉਂਕਿ ਉਹ ਭਲਾ ਹੈ; ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ²ਸਾਰੇ ਪਿਤਾਵਾਂ ਤੋਂ ਉੱਪਰ ਸਾਡੇ ਪਿਤਾ ਦਾ ਧੰਨਵਾਦ ਕਰੋ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ³ਹਾਕਮਾਂ ਦੇ ਹਾਕਮ ਦਾ ਧੰਨਵਾਦ ਕਰੋ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ।

⁴ਉਸ ਦਾ, ਜੋ ਇਕੱਲਾ ਹੀ ਵੱਡੇ ਅਚਰਜ ਕੰਮ ਕਰਦਾ ਹੈ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ⁵ਉਸ ਦਾ, ਜਿਸ ਨੇ ਬੁੱਧ ਨਾਲ ਅਕਾਸ਼ ਬਣਾਏ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ⁶ਉਸ ਦਾ, ਜਿਸ ਨੇ ਧਰਤੀ ਨੂੰ ਪਾਣੀਆਂ ਉੱਤੇ ਵਿਛਾਇਆ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ⁷ਉਸ ਦਾ, ਜਿਸ ਨੇ ਵੱਡੇ ਚਾਨਣ ਬਣਾਏ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ⁸ਦਿਨ ਉੱਤੇ ਰਾਜ ਕਰਨ ਲਈ ਸੂਰਜ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ⁹ਰਾਤ ਉੱਤੇ ਰਾਜ ਕਰਨ ਲਈ ਚੰਦ ਅਤੇ ਤਾਰੇ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ।

¹⁰ਉਸ ਦਾ, ਜਿਸ ਨੇ ਮਿਸਰ ਨੂੰ ਉਹਨਾਂ ਦੇ ਪਹਿਲੌਠਿਆਂ ਰਾਹੀਂ ਮਾਰਿਆ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ¹¹ਅਤੇ ਇਸਰਾਏਲ ਨੂੰ ਉਹਨਾਂ ਵਿੱਚੋਂ ਕੱਢ ਲਿਆਇਆ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ¹²ਤਕੜੇ ਹੱਥ ਅਤੇ ਪਸਾਰੀ ਹੋਈ ਬਾਂਹ ਨਾਲ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ।

¹³ਉਸ ਦਾ, ਜਿਸ ਨੇ ਲਾਲ ਸਮੁੰਦਰ ਨੂੰ ਦੋ ਹਿੱਸੇ ਕੀਤਾ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ¹⁴ਅਤੇ ਇਸਰਾਏਲ ਨੂੰ ਉਸ ਦੇ ਵਿਚਕਾਰੋਂ ਲੰਘਾਇਆ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ¹⁵ਪਰ ਫ਼ਿਰਊਨ ਅਤੇ ਉਸ ਦੀ ਫ਼ੌਜ ਨੂੰ ਲਾਲ ਸਮੁੰਦਰ ਵਿੱਚ ਰੋੜ੍ਹ ਦਿੱਤਾ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ।

¹⁶ਉਸ ਦਾ, ਜਿਸ ਨੇ ਆਪਣੇ ਲੋਕਾਂ ਨੂੰ ਉਜਾੜ ਵਿੱਚੋਂ ਲੰਘਾਇਆ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ।

¹⁷ਉਸ ਦਾ, ਜਿਸ ਨੇ ਵੱਡੇ ਰਾਜਿਆਂ ਨੂੰ ਮਾਰਿਆ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ¹⁸ਅਤੇ ਬਲਵਾਨ ਰਾਜਿਆਂ ਨੂੰ ਵੱਢ ਸੁੱਟਿਆ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ¹⁹ਅਮੋਰੀਆਂ ਦੇ ਰਾਜੇ ਸੀਹੋਨ ਨੂੰ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ²⁰ਅਤੇ ਬਾਸ਼ਾਨ ਦੇ ਰਾਜੇ ਓਗ ਨੂੰ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ²¹ਅਤੇ ਉਹਨਾਂ ਦੀ ਧਰਤੀ ਵਿਰਸੇ ਵਜੋਂ ਦੇ ਦਿੱਤੀ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ²²ਆਪਣੇ ਦਾਸ ਇਸਰਾਏਲ ਨੂੰ ਵਿਰਸੇ ਵਜੋਂ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ।

²³ਜਿਸ ਨੇ ਸਾਨੂੰ ਯਾਦ ਕੀਤਾ ਜਦੋਂ ਅਸੀਂ ਨੀਵੇਂ ਕੀਤੇ ਗਏ ਸਾਂ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ²⁴ਅਤੇ ਸਾਨੂੰ ਸਾਡੇ ਵੈਰੀਆਂ ਤੋਂ ਛੁਡਾਇਆ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ। ²⁵ਜੋ ਹਰੇਕ ਜੀਵ ਨੂੰ ਭੋਜਨ ਦਿੰਦਾ ਹੈ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ।

²⁶ਅਕਾਸ਼ ਦੇ ਪਿਤਾ ਦਾ ਧੰਨਵਾਦ ਕਰੋ, ਕਿਉਂਕਿ ਉਸ ਦਾ ਵਫ਼ਾਦਾਰ ਪ੍ਰੇਮ ਸਦਾ ਬਣਿਆ ਰਹਿੰਦਾ ਹੈ।