Zaburi 49

49 ¹Sikieni haya, enyi watu wote; sikilizeni, ninyi nyote mnaokaa duniani, ²wote wadogo kwa wakubwa, matajiri na maskini pamoja. ³Kinywa changu kitanena hekima; tafakari ya moyo wangu italeta ufahamu. ⁴Nitatega sikio langu kwa mithali; kwa kinubi nitaifunua fumbo langu. ⁵Kwa nini niogope zinapokuja siku za uovu, uovu wa wale wanaotaka kunikwaza unaponizunguka— ⁶wale wanaotumainia mali zao na kujivunia wingi wa utajiri wao? ⁷Hakika hakuna awezaye kumkomboa ndugu yake au kumlipia Baba yetu fidia kwa ajili yake— ⁸fidia ya uhai ni ghali; hakuna malipo yatoshayo kamwe— ⁹ili aishi milele wala asilione kaburi. ¹⁰Kwa maana anaona ya kuwa hata wenye hekima hufa; mpumbavu na mjinga hupotea pamoja na kuwaachia wengine mali zao. ¹¹Makaburi yao ndiyo makao yao milele, maskani zao kwa vizazi vyote, ingawa waliita nchi kwa majina yao. ¹²Mwanadamu, pamoja na fahari yake, hadumu; yeye ni kama wanyama waangamiao. ¹³Hii ndiyo njia ya wale wenye kujiamini kwa upumbavu, na ya wale wanaowafuata wanaokubaliana na maneno yao. Sela

¹⁴Kama kondoo wamewekwa kwa ajili ya kaburi, na mauti itawachunga wao. Wanyofu watawatawala asubuhi; miili yao itachakaa kaburini, mbali na makao yao ya fahari. ¹⁵Lakini Baba yetu ataikomboa nafsi yangu kutoka nguvu za kaburi; hakika atanichukua kwake. Sela ^a a v15 Tofauti na matajiri wasioweza kujinunulia njia ya kuepuka mauti, mtunga-zaburi anaamini kwamba Baba yetu mwenyewe atamwokoa kutoka kaburini na kumchukua katika uwepo wake mwenyewe.

¹⁶Usiogope mtu anapotajirika, fahari ya nyumba yake inapoongezeka, ¹⁷kwa maana hatachukua chochote atakapokufa; fahari yake haitashuka pamoja naye. ¹⁸Ingawa wakati wa uhai wake hujihesabu kuwa amebarikiwa—na watu hukusifu ufanyapo mema kwa nafsi yako— ¹⁹ataungana na kizazi cha baba zake, ambao hawatauona nuru tena kamwe. ²⁰Mwanadamu, pamoja na fahari yake, asiye na ufahamu, ni kama wanyama waangamiao.