ஏசாயா 12

12 ¹அந்நாளில் நீ சொல்வாய்: “என் பிதாவே, நான் உம்மைத் துதிப்பேன்; நீர் என்மேல் கோபமாயிருந்தபோதிலும், உம்முடைய கோபம் விலகிற்று, நீர் என்னைத் தேற்றினீர். ²இதோ, எங்கள் பிதா என் இரட்சிப்பாயிருக்கிறார்; நான் நம்பிக்கையாயிருந்து பயப்படேன்; என் பிதாவே என் பெலனும் என் கீதமுமாயிருக்கிறார்; அவர் என் இரட்சிப்பாயினார்.” ³மகிழ்ச்சியோடே இரட்சிப்பின் ஊற்றுகளிலிருந்து நீங்கள் தண்ணீர் மொண்டுகொள்வீர்கள். ⁴அந்நாளில் நீங்கள் சொல்வீர்கள்: “எங்கள் பிதாவைத் துதியுங்கள், அவருடைய நாமத்தைத் தொழுதுகொள்ளுங்கள், அவருடைய செய்கைகளை எல்லா ஜனங்களுக்குள்ளும் அறிவியுங்கள், அவருடைய நாமம் உயர்ந்ததென்று பிரசித்தப்படுத்துங்கள். ⁵எங்கள் பிதாவைக் கீர்த்தனம்பண்ணுங்கள், அவர் மகத்துவமான காரியங்களைச் செய்தார்; இது பூமியெங்கும் அறியப்படக்கடவது. ⁶சீயோன் நகரவாசியே, சத்தமிட்டு ஆர்ப்பரித்துப் பாடு, ஏனெனில் இஸ்ரவேலின் பரிசுத்தர்—எங்கள் பிதா—உன் நடுவில் மகத்துவமுள்ளவராயிருக்கிறார்.”