சங்கீதம் 113

113 ¹அல்லேலூயா! எங்கள் பிதாவின் ஊழியக்காரரே, அவரைத் துதியுங்கள்; எங்கள் பிதாவின் நாமத்தைத் துதியுங்கள். ²எங்கள் பிதாவின் நாமம் இதுமுதல் என்றென்றைக்கும் ஸ்தோத்திரிக்கப்படுவதாக. ³சூரியன் உதிக்கும் திசைதொடங்கி அது அஸ்தமிக்கும் திசைமட்டும், எங்கள் பிதாவின் நாமம் துதிக்கப்படத்தக்கது. ⁴எங்கள் பிதா சகல ஜாதிகளுக்கும் மேலாக உயர்ந்தவர்; அவருடைய மகிமை வானங்களுக்கும் மேலானது. ⁵உன்னதத்தில் வீற்றிருக்கிற எங்கள் பிதாவுக்கு ஒப்பானவர் யார்? ⁶வானங்களையும் பூமியையும் நோக்கிப் பார்க்கத் தம்மைத் தாழ்த்துகிறவர் யார்? ⁷அவர் ஏழையைப் புழுதியிலிருந்து தூக்கிவிடுகிறார், எளியவனைச் சாம்பல் மேட்டிலிருந்து உயர்த்துகிறார், ⁸பிரபுக்களோடே, தமது ஜனத்தின் பிரபுக்களோடே அவர்களை உட்காரப்பண்ணும்படிக்கே. ⁹மலடியை அவளுடைய வீட்டிலே பிள்ளைகளைப் பெற்று மகிழும் தாயாகக் குடியிருக்கப்பண்ணுகிறார். அல்லேலூயா!