சங்கீதம் 129

129 ¹“என் சிறுவயதுமுதல் அவர்கள் என்னை மிகவும் ஒடுக்கினார்கள்”—என்று இஸ்ரவேல் இப்போது சொல்வதாக. ²“என் சிறுவயதுமுதல் அவர்கள் என்னை மிகவும் ஒடுக்கினார்கள், ஆனாலும் அவர்கள் என்னை மேற்கொள்ளவில்லை. ³உழவர்கள் என் முதுகின்மேல் உழுதார்கள்; தங்கள் வரப்புகளை நீளமாக்கினார்கள்.” ⁴எங்கள் பிதா நீதியுள்ளவர்; அவர் துன்மார்க்கரின் கயிறுகளை அறுத்துப்போட்டார்.

⁵சீயோனைப் பகைக்கிற யாவரும் வெட்கமடைந்து பின்னிட்டுத் திரும்புவார்களாக. ⁶வளருமுன்பே உலர்ந்துபோகிற வீட்டின்மேல் முளைத்த புல்லைப்போல் அவர்கள் ஆகட்டும், ⁷அதைக்கொண்டு அறுக்கிறவன் தன் கையையும், தானியம் கட்டுகிறவன் தன் மடியையும் நிரப்பமாட்டான், ⁸வழியே போகிறவர்கள், “எங்கள் பிதாவின் ஆசீர்வாதம் உங்கள்மேல் இருப்பதாக! எங்கள் பிதாவின் நாமத்தில் உங்களை ஆசீர்வதிக்கிறோம்” என்று சொல்லமாட்டார்கள்.