சங்கீதம் 20

20 ¹ஆபத்து நாளிலே எங்கள் பிதா உமக்கு உத்தரவு அருளுவாராக; யாக்கோபின் தேவனுடைய நாமம் உம்மைக் காப்பாற்றுவதாக. ²பரிசுத்த ஸ்தலத்திலிருந்து அவர் உமக்கு உதவி அனுப்புவாராக, சீயோனிலிருந்து உம்மைத் தாங்குவாராக. ³உம்முடைய காணிக்கைகளையெல்லாம் அவர் நினைத்து, உம்முடைய சர்வாங்க தகனபலியைத் தயவுடன் நோக்குவாராக. ⁴உம்முடைய இருதயத்தின் விருப்பத்தை அவர் உமக்குத் தந்து, உம்முடைய திட்டங்களையெல்லாம் நிறைவேற்றுவாராக.

⁵உம்முடைய இரட்சிப்பைக் குறித்து நாங்கள் மகிழ்ச்சியால் ஆர்ப்பரிப்போம், எங்கள் பிதாவின் நாமத்திலே எங்கள் கொடிகளை உயர்த்துவோம். எங்கள் பிதா உம்முடைய விண்ணப்பங்களையெல்லாம் நிறைவேற்றுவாராக. ⁶எங்கள் பிதா தாம் அபிஷேகம்பண்ணினவரை இரட்சிக்கிறார் என்று இப்பொழுது அறிந்திருக்கிறேன்; தம்முடைய பரிசுத்த பரலோகத்திலிருந்து தமது வலதுகரத்தின் இரட்சிக்கும் வல்லமையால் அவருக்கு உத்தரவு அருளுகிறார். ⁷சிலர் இரதங்களை நம்புகிறார்கள், சிலர் குதிரைகளை நம்புகிறார்கள், நாங்களோ எங்கள் பிதாவின் நாமத்தை நம்புகிறோம். ⁸அவர்கள் மடிந்து விழுந்தார்கள், நாங்களோ எழுந்து நிலைத்து நிற்கிறோம். ⁹எங்கள் பிதாவே, ராஜாவை இரட்சியும்! நாங்கள் கூப்பிடும்போது எங்களுக்கு உத்தரவு அருளும்.