சங்கீதம் 79

79 ¹எங்கள் பிதாவே, புறஜாதிகள் உம்முடைய சுதந்தரத்தில் படையெடுத்து வந்திருக்கிறார்கள்; அவர்கள் உம்முடைய பரிசுத்த ஆலயத்தைத் தீட்டுப்படுத்தினார்கள்; எருசலேமை இடிபாடுகளாக்கினார்கள்.

²உம்முடைய ஊழியக்காரரின் பிரேதங்களை ஆகாயத்துப் பறவைகளுக்கும், உம்முடைய பக்தியுள்ளவர்களின் மாம்சத்தைப் பூமியின் மிருகங்களுக்கும் இரையாகக் கொடுத்தார்கள். ³எருசலேமைச் சுற்றிலும் அவர்களுடைய இரத்தத்தைத் தண்ணீரைப்போல் சிந்தினார்கள், அவர்களை அடக்கம்பண்ண ஒருவரும் இல்லாதிருந்தது. ⁴எங்கள் அயலகத்தாருக்கு நிந்தையாகவும், எங்களைச் சுற்றியிருக்கிறவர்களுக்குப் பரியாசமும் இகழ்ச்சியுமாகவும் ஆனோம்.

⁵எங்கள் பிதாவே, எதுவரைக்கும்? நீர் என்றென்றைக்கும் கோபமாயிருப்பீரோ? உம்முடைய எரிச்சல் அக்கினியைப்போல் எரியுமோ? ⁶உம்மை அறியாத புறஜாதிகள்மேலும், உம்முடைய நாமத்தைத் தொழுதுகொள்ளாத ராஜ்யங்கள்மேலும் உம்முடைய உக்கிரத்தை ஊற்றிவிடும். ⁷அவர்கள் யாக்கோபை விழுங்கி, அவனுடைய வாசஸ்தலத்தைப் பாழாக்கினார்களே. ⁸எங்கள் முன்னோர்களின் அக்கிரமங்களை எங்களுக்கு விரோதமாக நினையாதேயும்; உம்முடைய இரக்கம் சீக்கிரமாய் எங்களைச் சந்திக்கட்டும், நாங்கள் மிகவும் தாழ்த்தப்பட்டிருக்கிறோம்.

⁹எங்களை இரட்சிக்கிற எங்கள் பிதாவே, உம்முடைய நாமத்தின் மகிமையினிமித்தம் எங்களுக்கு உதவிசெய்யும்; உம்முடைய நாமத்தினிமித்தம் எங்களை விடுவித்து, எங்கள் பாவங்களை நிவர்த்திசெய்யும். ¹⁰“அவர்களுடைய தேவன் எங்கே?” என்று புறஜாதிகள் ஏன் சொல்லவேண்டும்? உம்முடைய ஊழியக்காரரின் சிந்தப்பட்ட இரத்தத்துக்கு நீர் நீதிசெய்கிறீர் என்பது எங்கள் கண்களுக்கு முன்பாகப் புறஜாதிகளுக்குள் அறியப்படக்கடவது. ¹¹சிறைப்பட்டவனுடைய பெருமூச்சு உமக்கு முன்பாக வரட்டும்; உம்முடைய புயத்தின் மகத்துவத்தினால் சாவுக்கு நியமிக்கப்பட்டவர்களைத் தப்பவையும்.

¹²இறைமையுள்ள பிதாவே, எங்கள் அயலகத்தார் உம்மை நிந்தித்த நிந்தையை ஏழத்தனையாக அவர்கள் மடியிலே திரும்பச் சரிக்கட்டும். ¹³அப்பொழுது உம்முடைய ஜனமும் உமது மேய்ச்சலின் ஆடுகளுமாகிய நாங்கள் என்றென்றைக்கும் உமக்கு நன்றி செலுத்துவோம்; தலைமுறை தலைமுறையாக உம்முடைய துதியைப் பிரஸ்தாபப்படுத்துவோம்.