சங்கீதம் 8

8 ¹எங்கள் சர்வாதிபதியாகிய பிதாவே, உம்முடைய நாமம் பூமியெங்கும் எத்தனை மகத்துவமானது! உம்முடைய மகிமையை வானங்களுக்கும் மேலாக ஸ்தாபித்திருக்கிறீர். ²குழந்தைகளுடையவும் பால்குடிக்கும் பிள்ளைகளுடையவும் வாயிலிருந்து, உம்முடைய பகைஞர்களின் நிமித்தம், சத்துருவையும் பழிவாங்குகிறவனையும் அமர்த்துவதற்காக, பெலனை நிலைநாட்டியிருக்கிறீர். ³உம்முடைய விரல்களின் கிரியையாகிய உம்முடைய வானங்களையும், நீர் நிலைநிறுத்தின சந்திரனையும் நட்சத்திரங்களையும் நான் நோக்கிப்பார்க்கும்போது, ⁴நீர் மனுஷனை நினைக்கிறதற்கு அவன் எம்மாத்திரம், நீர் மனுஷகுமாரனைக் கவனிக்கிறதற்கு அவன் எம்மாத்திரம்? ^a a v4 எபிரெயர் நிருபத்தின் ஆசிரியர் இந்த வார்த்தைகளை இயேசுவுக்குப் பொருத்துகிறார் — கொஞ்சக்காலம் தூதர்களைப்பார்க்கிலும் தாழ்த்தப்பட்டு, பின்பு மகிமையினாலும் கனத்தினாலும் முடிசூட்டப்பட்ட மனுஷகுமாரனாகிய இயேசுவுக்கே (எபிரெயர் 2:6-9). ⁵ஆயினும் நீர் அவனைப் பரலோகத்தாரைப்பார்க்கிலும் சற்றுத் தாழ்வாக்கி, மகிமையினாலும் கனத்தினாலும் அவனுக்கு முடிசூட்டினீர். ⁶உம்முடைய கைகளின் கிரியைகளின்மேல் அவனுக்கு ஆளுகையைக் கொடுத்தீர்; சகலத்தையும் அவனுடைய பாதங்களுக்குக் கீழ்ப்படுத்தினீர்: ⁷எல்லா ஆடுகளையும் மாடுகளையும், காட்டு மிருகங்களையுங்கூட, ⁸ஆகாயத்துப் பறவைகளையும், சமுத்திரத்து மீன்களையும், கடல் வழிகளில் சஞ்சரிக்கிற யாவையும். ⁹எங்கள் சர்வாதிபதியாகிய பிதாவே, உம்முடைய நாமம் பூமியெங்கும் எத்தனை மகத்துவமானது!