சங்கீதம் 85

85 ¹எங்கள் பிதாவே, உம்முடைய தேசத்தின்மேல் தயவு காட்டினீர்; யாக்கோபின் செழிப்பைத் திரும்பப் பண்ணினீர். ²உம்முடைய ஜனத்தின் அக்கிரமத்தை மன்னித்தீர்; அவர்களுடைய பாவமெல்லாம் மூடினீர். ³உம்முடைய உக்கிரம் யாவையும் விலக்கினீர்; உம்முடைய கோபத்தின் உக்கிரத்தைவிட்டுத் திரும்பினீர்.

⁴எங்கள் பிதாவே, எங்கள் இரட்சிப்பே, எங்களைத் திருப்பி நிலைநிறுத்தும்; எங்கள்மேலுள்ள உமது கோபத்தை நீக்கிவிடும். ⁵என்றைக்கும் எங்கள்மேல் கோபமாயிருப்பீரோ? தலைமுறை தலைமுறையாக உம்முடைய கோபத்தை நீடிக்கப்பண்ணுவீரோ? ⁶எங்களைத் திரும்பவும் உயிர்ப்பிக்கமாட்டீரோ, உம்முடைய ஜனம் உம்மில் மகிழ்ந்திருக்கும்படிக்கு? ⁷எங்கள் பிதாவே, உம்முடைய உடன்படிக்கை அன்பை எங்களுக்குக் காண்பியும், உம்முடைய இரட்சிப்பையும் எங்களுக்குத் தந்தருளும்.

⁸எங்கள் பிதா சொல்வதை நான் கேட்பேன்; அவர் தமது ஜனத்துக்கும், தமது பரிசுத்தவான்களுக்கும் சமாதானம் சொல்லுவார்; ஆனாலும் அவர்கள் தங்கள் மதிகேட்டான வழிகளுக்குத் திரும்பாதிருப்பார்களாக. ⁹அவருடைய இரட்சிப்பு அவருக்குப் பயந்து நடக்கிறவர்களுக்கு நிச்சயமாய்ச் சமீபமாயிருக்கிறது, மகிமை நம்முடைய தேசத்தில் வாசமாயிருக்கும்படிக்கே. ¹⁰உடன்படிக்கை அன்பும் உண்மையும் ஒன்றையொன்று சந்தித்தன; நீதியும் சமாதானமும் ஒன்றையொன்று முத்தமிட்டன. ¹¹உண்மை பூமியிலிருந்து முளைக்கும், நீதி வானத்திலிருந்து கீழே நோக்கிப்பார்க்கும். ¹²ஆம், எங்கள் பிதா நன்மையானதைத் தந்தருளுவார், நம்முடைய தேசம் தன் பலனைத் தரும். ¹³நீதி அவருக்கு முன்பாகச் சென்று, அவருடைய அடிகளுக்கு வழியை ஆயத்தப்படுத்தும்.