சங்கீதம் 98

98 ¹எங்கள் பிதாவைப் பாடுங்கள், ஒரு புதுப் பாட்டைப் பாடுங்கள்; ஏனெனில் அவர் அற்புதமான காரியங்களைச் செய்திருக்கிறார்; அவருடைய வலதுகரமும் அவருடைய பரிசுத்த புயமும் அவருக்கு இரட்சிப்பைச் சம்பாதித்திருக்கின்றன. ²எங்கள் பிதா தம்முடைய இரட்சிப்பை அறியப்பண்ணினார்; ஜாதிகளின் கண்களுக்கு முன்பாகத் தம்முடைய நீதியை வெளிப்படுத்தினார். ³இஸ்ரவேல் குடும்பத்திற்குத் தாம் காண்பித்த உடன்படிக்கை அன்பையும் தம்முடைய உண்மையையும் அவர் நினைத்தருளினார்; பூமியின் எல்லைகளெல்லாம் எங்கள் பிதாவின் இரட்சிப்பைக் கண்டன.

⁴பூமியனைத்துமே, எங்கள் பிதாவை நோக்கிக் கெம்பீரமாய் ஆர்ப்பரியுங்கள்; மகிழ்ச்சியான பாட்டோடே எழும்பி, துதிகளைப் பாடுங்கள். ⁵எங்கள் பிதாவைச் சுரமண்டலத்தோடே துதித்துப் பாடுங்கள், சுரமண்டலத்தோடும் கீதவொலியோடும் பாடுங்கள். ⁶பூரிகைகளோடும் எக்காளத்தின் ஓசையோடும், ராஜாவாகிய எங்கள் பிதாவுக்கு முன்பாகக் கெம்பீரமாய் ஆர்ப்பரியுங்கள்.

⁷சமுத்திரமும் அதின் நிறைவும், பூச்சக்கரமும் அதில் வாசம்பண்ணுகிற யாவும் முழங்கக்கடவது. ⁸ஆறுகள் கைகொட்டக்கடவது; மலைகள் ஏகமாய் மகிழ்ச்சியோடே பாடக்கடவது, ⁹எங்கள் பிதாவுக்கு முன்பாகவே; ஏனெனில் அவர் பூமியை நியாயந்தீர்க்க வருகிறார். அவர் பூச்சக்கரத்தை நீதியோடும், ஜனங்களை நிதானத்தோடும் நியாயந்தீர்ப்பார்.