Paulo Ɔko a Ɔko Maa Wɔn
Paulo bɔ mpaeɛ denneennen ma agyidifoɔ a ɔnhunuu wɔn da, pɛ sɛ wɔbɛtim wɔ Kristo mu sene sɛ nyansapɛ a ɛyɛ anifere, aduane ho mmara anaa abɔfoɔ ho anisoadehunu bɛkyere wɔn. Ka nkrataa a ɛtia wɔn no, wɔabɔ no asɛndua no mu dedaw; yɛn Agya ne Kristo anyane wɔn.
2 1Mepɛ sɛ mohu sɛnea meredi aperedi den ama mo ne wɔn a wɔwɔ Laodikea ne wɔn a wɔnhuu me anim da nyinaa, 2sɛnea ɛbɛyɛ a wɔn koma bɛtɔ wɔn yam, na wɔde ɔdɔ abɔ wɔn mu, na wɔanya awerɛhyem ne ntease a edi mu no ahonyade nyinaa, akɔ yɛn Agya ahintasɛm a ɛne Kristo no ho nimdeɛ mu, 3ɔno a nyansa ne nimdeɛ ademude nyinaa ahintaw ne mu no. 4Meka yei sɛnea ɛbɛyɛ a obiara rentumi mfa nsɛm a ɛtwetwe adwene nnaadaa mo. 5Ɛwɔ mu sɛ me nipadua nni mo nkyɛn de, nanso me honhom ka mo ho, na mʼani gye sɛ mihu sɛnea mo nneɛma kɔ so pɛpɛɛpɛ ne sɛnea mo gyidi a mowɔ wɔ Kristo mu no gyina pintinn.
Wɔagye Ntini na Wɔasi Wɔn Wɔ Ne Mu
6Enti sɛnea mugyee Kristo Yesu, Awurade no, monnantew ne mu, 7moagye ntini, na wɔasi mo wɔ ne mu, mugyina pintinn wɔ gyidi no mu sɛnea wɔkyerɛɛ mo no, na mo aseda bu so.
8Monhwɛ yiye na obiara amfa nyansapɛ ne nnaadaa hunu ankyere mo, nea egyina nnipa amanne so ne wiase nnyinaso ahonhom so, na ennyina Kristo so. a a v8 Wiase nnyinaso ahonhom: honhom mu tumi ne nnyinaso nhyehyɛe a ɛkyekyere nnipa wɔ Kristo akyi. 9Efisɛ ne mu na Nyamesu a ɛyɛ ma no nyinaa te wɔ nipadua mu, 10na ne mu na wɔama moayɛ pɛ, ɔno a ɔyɛ ahenni ne tumi nyinaa so ti no. 11Ne mu nso na wotwaa mo twetia, twetiatwa a ɛnyɛ nsa na ɛyɛe, nea eyii honam nipadua no guu, Kristo twetiatwa no. b b v11 Twetiatwa a ɛnyɛ nsa na ɛyɛe: koma mu nsakrae a ɛfa honhom ho, na ɛnyɛ honam mu amanne. 12Wɔne no sie mo wɔ asubɔ mu, na ɛno mu nso na wɔne no nyan mo denam gyidi a mowɔ wɔ yɛn Agya tumi mu no so, ɔno a ɔnyan no fii awufo mu no. 13Mowuwui wɔ mo bɔne ne mo honam a wɔntwaa ho twetia mu, nanso yɛn Agya ama moanya nkwa ne no, na ɔde yɛn bɔne nyinaa kyɛɛ yɛn, 14ɔpepaa ɛka ho nkrataa no ne ne mmara a na ɛtia yɛn no. Ɔyii no fii hɔ, na ɔbɔɔ no asɛndua no mu nnadewa. 15Ɔgyee ahemfo ne atumfo akode, ɔguu wɔn anim ase wɔ baguam, na ɔnam ne so dii wɔn so nkonim.
16Enti mommma obiara mmu mo atɛn wɔ aduan, nsa, afahyɛ, ɔsram foforo anaa Homeda ho. 17Eyinom yɛ nneɛma a na ɛreba no sunsuma, nanso nokware no yɛ Kristo dea. 18Mommma obiara a nʼani gye ahobrɛase a ɛnyɛ nokware ne abɔfo som ho no nyi mo mfi abasobɔde no ho; ɔde nʼadwene si anisoadehu a wahu so, na ne honam mu adwene ma ɔhoahoa ne ho kwa, 19na onso Ti no mu, ɔno a ɛnam ne so na nipadua no nyinaa, a wɔnam nkwaa ne ntini so ma no aduan na wɔka bom no, nyin sɛnea yɛn Agya ma ɛnyin no.
20Sɛ mo ne Kristo wui fii wiase nnyinaso ahonhom ho a, adɛn nti na mobrɛ mo ho ase ma ne mmara, te sɛ nea moda so yɛ wiase fa? 21“Nkura, nnka nhwɛ, mfa wo nsa nka”? 22Saa nneɛma yi nyinaa sɛe bere a wɔde di dwuma no, efisɛ egyina nnipa ahyɛde ne nkyerɛkyerɛ so. 23Saa mmara yi te sɛ nea ɛyɛ nyansa, som a wɔabɔ ne ho pɔw, ahobrɛase a ɛnyɛ nokware, nipadua a wɔyɛ no basabasa, nanso ɛnni mfaso biara wɔ honam akɔnnɔ a wodi akyi no ho.
