Mommma Ɛntwe Mo Nkɔ
Esiane sɛ wɔde wiase a ɛreba no ahyɛ nnipa nsa, ɛnyɛ abɔfo, na esiane sɛ mma no wɔ honam ne mogya nti, Ɔba no nso faa honam, sɛ obebu owu tumi na wagye wɔn a owu ho suro akyekyere wɔn wɔn nkwa nna nyinaa. Esiane sɛ wɔsɔɔ ɔno ankasa hwɛe nti, ɔboa wɔn a wɔsɔ wɔn hwɛ.
2 1Enti ɛsɛ sɛ yɛde adwene si nea yɛate no so yiye kɛse, anyɛ saa a, ebia ɛbɛtwe yɛn akɔ. 2Efisɛ sɛ asɛm a wɔnam abɔfo so kae no gyinaa pintinn, na bɔne biara ne asoɔden biara nyaa akatua a ɛfata a, 3ɛbɛyɛ dɛn na yɛaguan, sɛ yebu nkwagye kɛse a ɛte saa animtiaa a? Awurade na odii kan kaa ho asɛm, na wɔn a wɔtee no no hyɛɛ ho den maa yɛn, 4bere a yɛn Agya nso ne wɔn dii adanse denam nsɛnkyerɛnne, anwonwade, ahodwiriwde ahorow ne Honhom Kronkron no a ɔkyekyɛɛ no so, sɛnea ne pɛ te.
Wiase a Ɛreba No
5Efisɛ ɛnyɛ abɔfo na yɛn Agya de wiase a ɛreba a yɛreka ho asɛm no hyɛɛ wɔn ase. 6Obi adi adanse wɔ baabi se, “Onipa yɛ dɛn a wodwen ne ho, anaa onipa ba yɛ dɛn a wohwɛ no? 7Woma ɔbaa fam bere tiaa bi sen abɔfo no; wode anuonyam ne nidi bɔɔ no abotiri, 8wode biribiara hyɛɛ ne nan ase.” Afei bere a yɛn Agya de biribiara hyɛɛ ne ase no, wannyaw biribiara a ɛnhyɛ ne tumi ase. Nanso mprempren yɛnnya nhuu sɛ wɔde biribiara ahyɛ Kristo ase.
9Nanso yehu Yesu a wɔmaa no baa fam bere tiaa bi sen abɔfo no, na seesei wɔde anuonyam ne nidi abɔ no abotiri, esiane sɛ ohuu amane wui nti, sɛnea ɛnam yɛn Agya adom so no, ɔbɛka owu ahwɛ ama obiara.
10Ɛfataa sɛ yɛn Agya, a ne nti na biribiara wɔ hɔ na ɛnam ne so na biribiara wɔ hɔ no, nam amanehunu so yɛ wɔn nkwagye kanni no pɛyɛ, bere a ɔde mmabarima pii reba anuonyam mu no. 11Nea ɔtew nnipa ho ne wɔn a wɔatew wɔn ho no nyinaa fi Agya baako. Ɛno nti na ɛnyɛ no aniwu sɛ ɔbɛfrɛ wɔn ne nuanom, a a v11 Wɔn a Yesu tew wɔn ho no ne no kyɛ nʼAgya — wɔde wɔn asan aba abusua koro a ɔno ara wɔ mu daa no mu. Ɛnyɛ no aniwu sɛ ɔfrɛ wɔn ne nuanom.
12ɔkae se, “Mɛka wo din akyerɛ me nuanom; mɛto wʼayeyi dwom wɔ asafo no mu.”
13Na bio, “Mede me ho bɛto no so.” Na bio, “Me ne mma a yɛn Agya de wɔn ama me no ni.” b b v13 Yesu ka saa nsɛm yi fi Yesaia nkɔmhyɛ mu, na ɔde ne ho ne mma a yɛn Agya de wɔn ahyɛ ne nsa no da adi — abusua koro, Agya koro.
14Esiane sɛ mma no wɔ honam ne mogya nti, ɔno nso nyaa bi, sɛnea ɛnam owu so no ɔbɛsɛe nea owu tumi wɔ ne nsam no—ɔbonsam no, 15na wagye wɔn nyinaa a owu ho suro maa wɔyɛɛ nkoa wɔn nkwa nna nyinaa no. 16Efisɛ ampa ara ɛnyɛ abɔfo na ɔboa wɔn, na mmom Abraham asefo. 17Enti ɛsɛɛ sɛ ɔyɛ sɛ ne nuanom wɔ akwan nyinaa so, na wayɛ ɔsɔfo panyin a ɔwɔ mmɔborɔhunu na ɔyɛ nokwafo a ɔsom yɛn Agya, na wapepa nnipa no bɔne. 18Esiane sɛ ɔno ankasa huu amane bere a wɔsɔɔ no hwɛe no nti, otumi boa wɔn a wɔresɔ wɔn hwɛ no.
