Kilangi kya Tata kwena Batu Bandi
Mikayeli kavúmbuka muna phasi ya lawu yina yikonda fwanana, amana bana banimbini bafútumuka — bahika kwena luzingu lwa mvula yi mvula, bahika kwena tsoni. Tanyela wáhyula ni khi tangwa, amana bámuzimbula ni kanamika mukanda. Kázimbaku mvutu yina kazola, kaka yayi: ndawenda nzila yaku, vunda, amana telama mu kubonga swana kina Tata waku kákusila.
12 1Muna tangwa dina, Mikayeli, pfumu wa mbuta wuna kakengila bana ba batu baku, kavúmbuka. Kiwayi kya lawu kyakála, kiwayi kimosi kyakonda kedi kala tuka ku luyandiku lwa makanda yi tangwa dina. Muna tangwa dina, batu baku, boosu bana básonika mu mukanda, bakahúluka. 2Batu balawu bana banimbini mu fusyangeni dya mafu bafútumuka: bahika kwena luzingu lwa mvula yi mvula, bahika kwena tsoni yi lulewulu lwa mvula yi mvula. 3Batu badimuka bakalema hanga mutsyenzya wa zilu; bana bisi vutula batu balawu kwena masonga, bakalema hanga bathetimbwa, mvula yi mvula. 4Kaasi ngeyi, Tanyela, yafika mambu mama amana namika mukanda tii yi kuna tangwa dya tsuka. Batu balawu bakakwénda yi kuvutuka, amana mazaya makála.
5Amana meni, Tanyela, yátala amana yámona batu bodi bahika batelama, mosi kuna beti dimosi dya nzadi, mosi kuna beti dyakwawu. 6Mosi wáhyula mutu wuna wavwata miledi wuna wenina ha mamba ma nzadi: «Khi tangwa phi mambu ma kuyituka mama makamána?»
7Yáyuka mutu wuna wavwata miledi, wuna wenina ha mamba ma nzadi, buna kátombula koku kwandi kwa kitata yi koku kwa lumonso kuna zilu amana kádya ndefi muna zina dya wuna wisi zinga mvula yi mvula: mu tangwa dimosi, yi matangwa, yi kyati kya tangwa; amana tangwa bamanisa kubula ngolu za batu bahedila, mambu mama moosu makamána. a a v7 Wuna wa mvula yi mvula wuna bisi dya ndefi muna zina dyandi — wuna wisi zinga mvula yi mvula — yandi Tata wetu, luyandiku yi tsuka ya matangwa moosu.
8Yáyuka, kaasi yabakulaku, buna yázimbula: «Pfumu wama, khi tsuka phi ya mambu mama?»
9Yandi wuzimbudi: «Awenda, Tanyela, mukuma mambu mayafiki amana manamika tii yi kuna tangwa dya tsuka. 10Batu balawu bakasémisa, bakalúmuna batoku, bakasúnzuka mu mbawu; batu ba mbi bakakwámina mu kuhanga mbi. Ka mutu ku ha kati dya batu ba mbi wakabákula, kaasi batu badimuka bakabákula.
11Tuka muna tangwa bakakátula kimenga kya kosu kilumbu amana bakatélamisa muzangi wanzanzi wuna wisi nata kuzangana: bilumbu 1 290. 12Kasakumuka wuna wisi hingila amana wisi tula ku bilumbu 1 335.
13Kaasi ngeyi, awenda tii yi kuna tsuka. Wakavúnda, amana wakatélama mu kutambula kuvwa kwaku ku tsuka ya bilumbu.»
