Mu Koku kwa Tata
Batu ba masonga yi ba ngangu bienina mu koku kwa Nzambi, kaasi lufwa lumosi lusi bwila batu boosu, luna Mulongi kabati tela mbi ha tsi ya tangwa. Buna, dya, nwa, zola mukhetu waku muna bilumbu bya tangwa dimosi bina Tata wetu kahana, amana sala mudimu ni ngolu bwosu wulendini. Tangwa yi disa bisi lubwila batu boosu.
9 1Yásya mbundu yama mu kusimbulula mana moosu: batu ba masonga, batu ba ngangu yi mihangu mya bawu, bienina mu koku kwa Nzambi. Yuka ni lungongu ho khu, ka mutu ku kuzaya—moosu menina ku thwala ya bawu. 2Kima kimosi kisi bwila batu boosu: lufwa lumosi kikuma kya mutu wa masonga yi mutu wa mbi, kikuma kya mutu wa mboti, wuna wisi vedila yi wuna wisiku vedila, wuna wisi ta bimenga yi wuna wisiku ta. Bwosu bwenina kwena mutu wa mboti, phila mosi bwena kwena musumuki; wuna wisi dya ndefi, phila mosi yi wuna wisi mona woma mu kudya ndefi. 3Yeku kima kyambi mu mana moosu masadumu ha tsi ya tangwa: lufwa lumosi kikuma kya boosu. Mambu ma mbi mabasisa mbundu za batu, bulawu bwizadini mu mbundu za bawu bwosu bazínga—kunima dya bwabuna bakwenda kwena bafwa. 4Wosu wuna wisi zinga kedi kenina yi kivuvu: mbwa yina yenina yi moya yiluti mboti kuluta nkosi wa fwa. 5Mukuma bana bazínga bazayi ni bakafwa, kaasi bafwa bazayimoku kima; bakadikaku hika lufutu, mukuma kuyananaka kwa bawu kuzimbakanini. 6Lungongu lwa bawu, khu ya bawu, kiphala kya bawu byamani mana; bakakadikaku hika ndambu mu kima kyosu kisadumu ha tsi ya tangwa.
7Wenda, dya dipha dyaku yi kyesi, nwa vinu kyaku yi mbundu ya kyesi, mukuma Nzambi watámbwasa kedi mihangu myaku. 8Miledi myaku mikala mya phembi mu tangwa zoosu, amana mutwa waku wukadikaku kukonda masi. a a v8 Miledi mya phembi yi kutsitika masi ku mutwa byákala bisinga bya kyesi yi mukinzi mu tangwa dyakulu. 9Ta mukinzi mu luzingu yi mukhetu wuna wisi zola, mu tangwa zoosu za mwani za luzingu luna wákuheka Nzambi ha tsi ya tangwa—mu tangwa zaku zoosu za mwani—mukuma yeku ndambu yaku mu luzingu yi mu kulembwa kwa lutu kuna wisi mona phasi ha tsi ya tangwa. 10Kyosu kina koku kwaku kuwani mu kuhanga, hanga kyawu yi ngolu zaku, mukuma kweku kisalu, kweku lukanu, kweku ngangu yi kweku mudimu mu kalunga, kuna wisi kwenda.
11Mbonini hika ha tsi ya tangwa: thinu yisiku kwena wuna wisi tyakula ngolu, kweku mvita kwena wuna wenina yi kikesa, kweku dipha kwena wuna wenina yi ngangu, kweku kimvwama kwena wuna wisi bakula mambu, kweku tsambu kwena wuna walongukini—tangwa yi mambu ma mabwa bibwila boosu. 12Ka mutu ku kuzaya tangwa dyandi: hanga batsema bisi kwata mu wanda dya mbi, hanga banuni bisi kwata mu mutambu, batu bisi kwata mu tangwa dya mbi dina dibwila bawu kyazimunu.
Mutu wa Ngangu Wazimbakanu
13Mbonini phi mbandu yayi ya ngangu ha tsi ya tangwa, amana yámbonika yineni: 14Mbanza ya khunda yi batu bakhunda: pfumu wa mbuta yisa kunwana, yámuzyeta, amana yátungila binwaninu bya mbuta bya mvita kikuma kyandi. 15Muna mbanza meni mwáwanana mutu wa phutu wa ngangu wuna wáhulula mbanza mu ngangu zandi, kaasi ka mutu ku wayananaka mutu meni wa phutu. 16Yízimbula: «Ngangu zilutini ngolu mu mupfunu», kaasi balewula ngangu za mutu wa phutu, amana ndinga zandi bazíyukaku. 17Ndinga za talala za batu ba ngangu, báyuka zawu mboti kuluta ndinga za kukalunga za pfumu ha kati dya bilawu. 18Ngangu zilutini binwaninu bya mvita mu mupfunu, kaasi musumuki mosi wisi zanga mamboti ma lawu.
