Tata wetu wázonza
Malongi ma mbuta masi songila Kidisitu hanga wuna wisi luta banzyo, Moyize, yi kinganga-Nzambi kya khulu—Mbuta wa Nganga-Nzambi wuna wisi kanguka nzila kwena Tata wetu.
Tata wetu kisi zonza mu mavese 5–13
1 1Tukidila thama, muna matangwa malawu yi mu phila zalawu, Tata wetu wenina mu mazilu wázonza kwena batata betu, mwena bambikudi. 2Kaasi muna bilumbu byabi bya tsuka, wázonza kwena betu mwena Mwana wandi, wuna kásya swana wa bima byosu, amana mwena yandi wáhanga tsi. 3Mwana kenina mitsyenzya ya khembu ya Tata wetu, kifwani kya kyedika kya khadidi yandi, wuna wisi simba bima byosu mu ndinga yandi ya ngolu. Kunima dya kusukula masumu, wázakala kuna koku dya kitata dya Kineni mu zilu. 4Wákituka wa mbuta kuluta banzyo, bwosu khumbu yina kávwa yilutini khumbu za bawu.
5Mukuma, kwena nati wa banzyo Tata wetu kázonza kedi: «Ngeyi wenina Mwana wama; lelu meni yíkituka Tata waku»? Holo hika: «Meni yakála Tata wandi, amana yandi kakála Mwana wama»? a a v5 Haha, Tata wetu wisi zonza mambu ma bilangi byodi bya Bulunda bwa Khulu — Nkunga wa 2 yi kilangi kwena Tavidi — amana Bulunda bwa Pha busi songila ni byawu bisi lungama mwena Yesu, Mwana wa mvula yi mvula.
Ha Thandu ya Banzyo Kwa Thama
6Amana hika, tangwa kanata Mwana wa tsomi mu tsi yayi, wisi zonza: «Banzyo bama boosu bamufukamina.» 7Mu diambu dya banzyo wisi zonza: «Yandi wisi khitula banzyo bandi pfunzi, amana basadi bandi mbasu za mbawu.»
8Kaasi mu diambu dya Mwana wisi zonza: «Kiti kyaku kya luyalu, A Nzambi, kyenina mvula yi mvula, amana nkawu wa masonga wenina nkawu wa Kipfumu kyaku. b b v8 Muna mambu mama ma Bulunda bwa Khulu, Tata wetu wisi zonzisa Mwana amana wisi mutela Nzambi — disongidilu dya pwelele kuluta dya Masonuku ni Mwana kenina kumosi yi Tata mu bu-Nzambi bwandi. 9Ngeyi wázola masonga amana wámenga mambi; bwabuna, Tata wetu, Tata waku, wákusita ni masi ma kyesi kuluta banduku baku.»
10Amana: «Muna luyandiku, A Pfumu, ngeyi wátula mipfundila mya tsi, amana mazilu menina kisalu kya moku maku. c c v10 Haha, Tata wisi tela Mwana bwa Pfumu, mu kuntonga ni yandi wuna wátula mipfundila mya tsi. Kisalu kya phangamu kya Mwana, kina kyátelama mu vesi 2, buthwena Tata yandi meni wisi kyetela. 11Byawu byazíluka, kaasi ngeyi wunangi; byosu byakhúluka bwa muledi. 12Ngeyi wabúndwamina byawu bwa muzaka; bwa muledi, byawu byahíluka. Kaasi ngeyi wenina mutindu wumosi, amana mimvu myaku myákalaku yi tsuka.»
13Kaasi, kwena nati wa banzyo Tata wetu kázonza kedi: «Zakala kuna koku dyama dya kitata, tii yikuna yikítwala bambeni baku kidyatilu kya bitambi byaku»?
14Aketi banzyo boosu bawu bitembu bisi sadila, bana bátuma mu kusadila babana bavwa luhulusu?
