Tudenu Mesu Menu kwena Yesu
Moyize wákala wa kwikama mu nzu ya Tata wetu; Yesu yandi wáyitunga. Tuka kuna, musoniki wásunguna mbandu ya mu mvwalangani yina yáyuka ndinga amana yázitika mbundu kaka, amana wásadila dyawu bwabu: lusyana ngolu benu yi benu kilumbu yi kilumbu, bwosu kikidi telwa «lelu», hanga ka mutu ku kázitika mbundu mu luvunu lwa disumu.
Tata wetu kisi zonza mu mavese 7–11
3 1Bwabuna, baphangi ba kasemi, benu bana lwenina mu kithwadi ku lubokolo lwa ku zilu, yindulenu Yesu, thumwa yi mbuta wa banganga Nzambi wuna tusamunini. 2Yandi wákala wa kwikama kwena wuna wámusola, bwosu Moyize phi kákala mu nzu yosu ya Tata wetu. 3Yesu wufwana khembu yisi kuluta Moyize, bwosu mutungi wa nzu kafwana lukumu kuluta nzu yawu meni. 4Mukuma nzu yosu yisi tungama kwena mutu, kaasi mutungi wa bima byosu kenina Tata wetu. 5Moyize wákala wa kwikama mu nzu yosu ya Tata wetu, musadi wuna wákala ta kimbangi kya mana mázonzama kunima. 6Kaasi Kidisitu, bwosu Mwana, kenina wa kwikama ku thandu ya nzu yandi. Amana betu twenina nzu yandi, yuka ni twasimbidila ngolu kikumbwala yi kivuvu kina tusi ditsikisila.
7Bwabuna, bwosu Kitembu Kyatoma kisi zimbula: «Lelu, ho luyukini ndinga yandi, a a v7 Mukanda wa Bahebelo wisi tala Masonama hanga ndinga ya moya ya Kitembu Kyatoma — Kitembu kimosi kyakina kina kázonza muna nzila ya bambikudi, buthwena kisi zonza kwena betu lelu, mu kutubokila mu kilembwadi kya Tata wetu. 8luzitikaku mbundu zenu bwosu lwahánga mu mvwalangani, muna kilumbu kya kuleya mu nganga, 9kuna batata benu bángileya, amana bámona mihangu myama mu mvula makumaya. 10Kikuma kyakina yáfunga khabu kwena mbandu yina, amana yázimbula: “Mbundu za bawu zisi zimbala mu nzila kosu tangwa, amana bázayaku nzila zama.” 11Hanga yázenga ndefi mu khabu yama: “Bakotaku kyamakulu mu kilembwadi kyama.”»
12Baphangi, kebenu ka mutu ku mukati dya benu kakala yi mbundu ya mbi, ya kukonda lukwikilu, yina yisi yambula Tata wa moya. 13Kaasi dihekakenu kikesa benu yi benu kosu kilumbu, muna tangwa dina bisi tela ni «lelu», hanga ka mutu ku mukati dya benu kazitama mbundu kwena luvunu lwa disumu. 14Mukuma twákituka batu ba kithwadi yi Kidisitu, yuka ni twasimbidila ngolu kikumbwala kyetu kya theti tii yi kuna tsuka. 15Bwosu bisi zimbula: «Lelu, ho luyukini ndinga yandi, luzitikaku mbundu zenu bwosu lwahánga mu mvwalangani.»
16Banani báyuka amana bahánga mvwalangani? Keti ka bawu boosu bana bákatuka ku Ngiphiti muna nzila ya Moyize ku? 17Kwena banani kafúnga khabu mu mvula makumaya? Keti ka kwena babana básumuka, bana bamvumbi ba bawu bábwila mu nganga, ku? 18Kwena banani kázenga ndefi ni bakotaku kyamakulu mu kilembwadi kyandi, kaka kwena babana bákolama? 19Bwabuna tubati mona ni bálendaku kukota, kikuma kya kukonda kwa lukwikilu.
