Yobu Wasinga Kilumbu kya Lubutuku Lwandi
Yobu kisi zibula munwa wandi mu kusinga kilumbu kya lubutuku lwandi. Kisi zola ni phipha yina yakatulwa mu thalu ya bilumbu, amana kisi mona kibidi kwa bana bafwa mu divumu yi kwena bakyamvu bafwa, mukuma kundu kaka kyena talala. Kikuma kya biki kuhana mwini, kisi yuvula, kwena mutu wuna Nzambi kazingidila?
3 1Kunima dya bwabuna, Yobu wázibula munwa wandi amana wasínga kilumbu kya lubutuku lwandi. 2Wázimbula: 3«Kilumbu kina yábutuka kyazíluka, amana phipha yina yázimbula: “Yimiti mwana wa yakala.” 4Kilumbu kina—kyakala phipha! Nzambi wuna wenina ku zilu kasandaku kyawu, amana mwini wukenzulaku ha thandu yandi. 5Phipha yi kininga kyanda byakwata kyawu; tuti dyafidinga ha thandu yandi; phipha ya kilumbu yabwesa kyawu bweya. 6Phipha yina—phipha ya ngolu yakwata yawu; yisangwalaku hana kati dya bilumbu bya mvula, amana yitangamaku hana kati dya ngonda. 7Mukyedika, phipha yina yakala kisita; kindanda kya kyesi kyisiku kwisa muna kati dyandi. 8Bana bisi singa bilumbu basinga yawu—bana balungidi mu kutokamisa Leviatani. a a v8 Muna tsi ya khulu, batu bakala banza ni basingi ba kisalu bena yi lulendu hana thandu ya bilumbu bya mamboti yi bya mbi. 9Bathetimbwa bya suka dyandi byakala phipha; yavuvila mwini kaasi yiwanaku wawu, amana yímonaku mwini wa theti wa suka, 10mukuma yisi yafikidaku mwelu mya kundu dya ngudi wama, amana yisi swekaku biwayi ku mesu mama. 11Kikuma kya biki ngyafwaku mu lubutuku, ngyatuka mu kundu amana ngyatabula moya? 12Kikuma kya biki makungulu mákala ndangu manthambula, holo mayeni ndangu yanwa? b b v12 Muna tsi ya ku Esiti ya khulu, kutula mwana wa butuka hana makungulu ma kiwutu kyákala kidimbu kya kutambula mwana yina. 13Mukuma bwabu, nga ngyaleka mu talala; nga ngyanimba amana ngyavunda, 14Hamosi yi bakyamvu yi batu ba ngangu ba tsi bana bátungila yawu meni mbanza zina zábwa, 15holo yi bapfumu bana bákala yi wolu, bana bázadisa nzu za bawu yi fwalanga. 16Holo kikuma kya biki ngyakalaku hanga mwana wa fwa mu lubutuku, wuna bázika, hanga bana bakhunda bana bámonaku mwini? 17Kwana, batu ba mbi balembwa mu mavwanga ma bawu, amana kwana, bana bázoka bavunda. 18Hamosi, batu ba boloku bena mu talala; bawu bisi yukaku dyaka ndinga ya pfumu wa basadi. 19Wa khunda yi wa mbuta bena kwana phila mosi, amana musadi wenina kiphwanza kwena pfumu wandi. 20Kikuma kya biki bahana mwini kwena mutu wena mu kiwayi, amana luzingu kwena mutu wena yi khadi mu moya wandi, 21bana bisi vuvila lufwa luna lwisaku, amana básima kyawu kuluta kimvwama kina kisuama, 22bana bisi kina makinu ma kyesi amana bisi sangwala tangwa báwana kalunga? 23Kikuma kya biki bahana mwini kwena mutu wuna nzila yandi yisuama, wuna Nzambi kakanga nzila zandi zoosu? 24Mukuma kuhumwakina kwama kwisa ku thwala ya mapha mama, amana kunyengama kwama kwisi tiama hanga mamba. 25Mukuma kima kina ngyába banga kyisa ha thandu yama, amana kina ngyáyuka bweya kyámbwila meni. 26Ka yenina yi luvundu ku, ka yenina yi talala ku, ka yenina yi kuvunda ku—kaasi mvwalangani kaka.»
