Mitsiku mya Tata, Luzingu lwa Mwana
Ndongisu kwena mwana, mu bungi bwawu mu dyambu dya kusila mbundu: wudinamaku ha mbakisilu yaku ngeyi mosi, zitisa Tata wetu ni kimvwama kyaku, wulewulaku tsungika yandi. Buna ngangu yiluta phalata mu thalu, yi mitsiku mya kibakadila mya nkhundi, ha kimosi yi kufuta kina wisi kadila lelu, buthwena mbazi.
3 1Mwana wama, wuzimbakanaku malongi mama, kaasi mbundu yaku yalúnda mitsiku myama, 2mukuma mikaleyisila ngeyi lengu kya bilumbu yi mvula za luzingu yi ngemba. 3Khenda yi kwikama bikatukaku kwena ngeyi; zitika byawu mu tsingu yaku, sonika byawu ha dibaya dya mbundu yaku. 4Buna wamona khenda yi kimbangi kya mboti kwena Tata wetu yi kwena batu.
5Sila mbundu yaku yosu mwena Tata wetu, kaasi wudinamaku ha mbakisilu yaku ngeyi mosi. 6Muna nzila zaku zoosu, zaya yandi, amana yandi kasungika mikinda myaku.
7Wudibanzilaku ni wudimuka ku mesu maku ngeyi mosi; tina Tata wetu, amana wukatuka ku mambu ma mbi. 8Mama masi nata kubeluka kwena lutu lwaku yi ngolu kwena mifufwa myaku.
9Zitisa Tata wetu ni kimvwama kyaku yi ni theti ya bibundu byaku byosu, a a v9 Mbutu za theti zakála kitini kya theti yi kya mboti kya kuledika, dina bakala hana kwena Tata wetu ku thwala dya kusadila keti kima kimosi kyawu. 10buna khila zaku zabasa yi bibundu bya lawu, amana bilungu byaku byazavula vinu dya pha.
11Mwana wama, wulewulaku tsungika ya Tata wetu, amana wulembwaku mu kubeta kwandi, 12mukuma Tata wetu kisi sungika wuna kisi zola mu mbundu yandi, bwosu tata kisi sungika mwana wuna kisi monina tsambu.
13Kyesi kwena mutu wuna wisi finda ngangu, yi mutu wuna wisi vwa mbakisilu, 14mukuma kibundu kina kisi tuka kwena yandi kiluti mboti kuluta kibundu kya phalata, amana lufutu lwandi luluti mboti kuluta wolu. 15Yandi wenina wa thalu kuluta matadi ma thalu, amana keti kima kimosi kina wisi neka kyalendaku kufwanikisa yi yandi. 16Luzingu lwa lengu lwenina mu koku dyandi dya kitata; mu koku dyandi dya kimoso, kwenina kimvwama yi luzitu. 17Nzila zandi zenina za kyesi, amana mikinda myandi myosu myenina ngemba. 18Yandi kenina miti wa luzingu kwena batu bana bisi mukwata; amana batu bana bisi musimba ngolu-ngolu, kyesi kwena bawu.
19Tata wetu, ni ngangu, wáyidika tsi; ni mbakisilu, wáyidika mazilu; 20ni nzayilu yandi, madingu máyatuka, amana matuti masi nokisa mame.
21Mwana wama, mama makatukaku ku mesu maku; lunda ngangu yalunga yi nduka, 22amana makála luzingu kwena moya waku yi kitoku kya tsingu yaku. 23Buna wákangala nzila yaku buna bwa bukheti, amana kulu dyaku didikhukulaku. 24Yuka ni waleka, wuyukaku bweya; tangwa waleka, kilu kyaku kyakála kya pha. 25Wuyukaku bweya bwa kithulumukina, holo kuzangana kwa batu ba mbi tangwa kwisa, 26mukuma Tata wetu kakála kivuvu kyaku amana kakeba kulu dyaku ndangu dyakwatamaku.
27Wukangaku mboti kwena batu bana bufwani yawu, ho ni wenina yi ngolu za kusala bwawu. 28Wuzimbwalaku kwena mfinangani waku: «Wenda, amana vutuka, amana mbasi yikuheka byawu» — tangwa wenina byawu kwena ngeyi. 29Wukasaku kifwandu kya mbi kikuma kya mfinangani waku, wuna wisi zinga buna bwa bukheti kwena ngeyi. 30Wuyumanikaku yi mutu konda kikuma, ho ni kakusadilaku keti mbi.
31Wumonaku kiphala kwena mukwa kingolu-ngolu, amana wusolaku ata nzila zandi yimosi, 32mukuma mutu wisi huna wenina nzanzi ku mesu ma Tata wetu, kaasi kisi ta kithwadi yi batu ba masonga. 33Tata wetu kisi bundila nzu ya batu ba mbi, kaasi kisi sakumuna nzu ya batu ba masonga. 34Kwena batu bisi seya, kisi baseya, kaasi kisi hana khenda kwena batu badikulumuna. 35Batu badimuka batámbula luzitu, kaasi bilawu bisi vwa kaka tsoni.
