Ndinga Zina Basekula hanga Mbedi
Kikuma kya pfumu wa basiki. Mukunga wa Tavidi.
Kiyeka kyaki kyenina ndinga — madinga másekulwa hanga mbedi, ndinga za khadi zisi loswa tuka ku kiswaminu kwena mutu wa konda kifu, kwena bana bisi kasa mafwongu bazayi ni ka mutu ku wukamona lukanu lwawu. Phunza yimosi ya Tata wetu yisi yivutula, amana madinga ma bawu veka masi babwisa.
64 1Yuka ndinga yama, A Tata wama, muna kudila kwama; kengila luzingu lwama ku bweya bwa mbeni. 2Sweka meni ku mafwongu ma kitsweki ma batu ba mbi, ku mulumba-lumba wa bana bisi sala mambi. 3Basekula ndinga zawu hanga mbedi; balosa ndinga zawu za khadi hanga phunza, 4hanga balosa ku kiswaminu kwena mutu wa konda kifu; bamulosa mu kithulumukina, konda bweya. 5Badihana muna mafwongu ma bawu ma mbi; bazonza mu kusweka mitambu amana bazimbula: «Nani wukamona myawu?»
6Bákasa mafwongu ma kukonda masonga, amana bazimbula: «Tulungisidi lukanu lwa toma yidika.» Mabanza ma kati yi mbundu ya mutu menina ma ndindi. 7Kaasi Tata wetu kabalósa ni phunza; mu kithulumukina, bakála yi phuta. 8Bakála babwa; ndinga zawu veka zabalukila bawu; boosu bana bamona bawu bakaníkisa mitwa myawu.
9Buna batu boosu báyuka bweya; básamuna kisalu kya Tata wetu amana bábanza mihangu myandi. 10Batu ba masonga basangwala mwena Tata wetu amana badiswekila mwena yandi; batu boosu basungama mu mbundu báthuta ndinga za kyesi!
