Tata wetu watelama mu kufundisa
Mukunga wa Asafi.
Tata wetu watelama muna lukutakanu lwa Nzambi amana wisi funda ngolu zina zisi fundisa mu kukonda masonga. Kiyeka kya bawu kikala kya phasi ku: basambila bambefu, bana bakondi tata, yi bahwa-dya-hwa. Bakafwa hanga batu ba kufwa, amana tsi yisi vutukiswa kwena Nzusi wandi wa kyedika.
Tata wetu kisi zonza mu mavese 2–7
82 1Tata wetu watelama muna lukutakanu lwa Nzambi; ha kati dya banzambi wahana pfundusu. a a v1 «Banzambi» ba lukutakanu lwa Nzambi benina bapfumu yi ngolu zina Tata wetu wásya mu kuyala makanda — bafwana vutula mambu kwena yandi, kaasi beku bambeni bandi. Masonuku mazayi ni Nzambi mosi kaka wenina; baba batelama ku tsi ya pfundusu yandi.
2«Tukidila tangwa kwa lwisi fundisa mu kukonda masonga, amana lutala mbunzu za batu ba mbi?
3«Sambilenu kikuma kya bambefu yi bana bakondi tata; simbidilenu kikuma kya banyokuna yi bahwa-dya-hwa. 4Hululenu bambefu yi batsukami; batabulenu mu luyalu lwa batu ba mbi. 5Bazayiku, bábakisaku phi; bahúkumuka muna phipha; mipfundila myosu mya tsi myáningana. 6Meni yázimbula: “Benu lwenina banzambi; benu boosu lwenina bana ba Wuna Wulutini Boosu.” 7Kaasi lukafwa hanga batu kwandi ba kufwa; lukabwa hanga bapfumu bakwawu boosu.»
8Telama, A Tata wetu, fundisa tsi, mukuma makanda moosu menina kimvwama kyaku.
