詩篇 1

1 ¹唔行惡人計謀嘅，呢個人就有福喇， 佢又唔企喺罪人當中， 亦都唔坐喺好譏笑人嘅人位度。 ²佢反而係以我哋嘅父嘅律法為樂，日日夜夜都默想佢嘅律法。 ³佢好似一棵栽喺水溪旁邊嘅樹， 到咗時候就結出果子， 樹葉又唔會枯乾—— 佢無論做乜嘢都亨通。

⁴惡人就唔係咁喇！ 佢哋好似俾風吹散嘅糠秕噉。 ⁵所以到審判嗰陣，惡人企唔住腳， 罪人亦都企唔入義人嘅會眾當中。 ⁶因為我哋嘅父看顧義人嘅道路， 惡人嘅道路卻必至滅亡。