詩篇 114

114 ¹以色列出埃及嘅時候, 雅各家離開講外邦話嘅民族, ²猶大就成為我哋嘅父嘅聖所, 以色列成為佢管治嘅地方。

³大海一望見就逃跑; 約旦河向後倒流。 ⁴大山好似公羊噉跳躍, 小山好似羊羔噉跳。

⁵大海啊,你為乜逃跑呢?約旦河啊,你為乜向後倒流呢? ⁶大山啊,你哋為乜好似公羊噉跳躍呢? 小山啊,你哋為乜好似羊羔噉跳呢?

⁷大地啊,你要喺至高無上嘅父面前戰抖, 喺雅各我哋嘅父面前戰抖, ⁸佢將磐石變成一池 嘅水,將堅硬嘅火石變成湧流嘅泉源。