Hasta San-o Ka Magapanago?
Sa direktor sang ambahanon. Salmo ni David.
Makaapat ginpamangkot ni David kon tubtob san-o — tubtob san-o nga kalimtan, tubtob san-o nga taguan, tubtob san-o nga magpas-an sang kasubo, tubtob san-o nga ang kaaway yara sa ibabaw niya. Wala sing nagbag-o sa iya kahimtangan. Apang nagliso gihapon ang salmo sa gugma sang iya Amay, kag nagatapos sa pag-amba parte sa kaayo nga nabaton na.
13 1Hasta san-o, akon Amay, nga kalimtan mo ako? Sa walay katapusan bala? Hasta san-o nga itago mo ang imo nawong sa akon?
2Hasta san-o nga magpakigbato ako sa akon mga panghunahuna kag magdala sing kasubo sa akon tagipusoon sa bilog nga adlaw? Hasta san-o nga magdaug sa akon ang akon kaaway? 3Tan-awa ako kag sabta, akon Amay; hatagi sing kasanag ang akon mga mata, kay kon indi matulog ako sa kamatayon.
4Magasiling ang akon kaaway, “Gindaug ko sia,” kag magakalipay ang akon mga kaaway kon mapukan ako. 5Apang nagsalig ako sa imo matutom nga paghigugma; magakalipay ang akon tagipusoon sa imo kaluwasan. 6Magaamba ako sa akon Amay, kay maayo gid sia sa akon.
