Gikan sa Kadadalman
Ambahanon sa mga Pagtaklad.
Halin sa kadadalman, isa ka pangamuyo nga nagasandig sa isa ka pamangkot sa iya Amay: kon nagatipon ka sing listahan sang mga sala, sin-o ang makatindog? Ang kapatawaran amo ang nagahimo nga posible ang pagtahod. Ang paghulat ginatandi sa mga bantay sa gab-i nga nagaisip sang mga oras tubtob sa aga.
130 1Gikan sa kadadalman nagatuaw ako sa imo, akon Amay.
2O Gamhanan nga Amay, pamatii ang akon tingug; talupangda sing maayo ang akon mga pagpakiluoy.
3Kon ikaw, akon Amay, magtipig sing talaan sang mga sala, O Gamhanan nga Amay, sin-o ang makatindog? 4Apang yara sa imo ang kapatawaran, agud nga kahadlukan ka.
5Nagahulat ako sa akon Amay; nagahulat ang akon kalag, kag sa iya pulong ginabutang ko ang akon paglaum. 6Ang akon kalag nagahulat sa Gamhanan nga Amay labaw pa sa paghulat sang mga manugbantay sa kaagahon, labaw pa sa mga manugbantay nga nagahulat sa kaagahon.
7O Israel, ibutang ang imo paglaum sa aton Amay, kay yara sa aton Amay ang gugma sang katipan, kag yara sa iya ang bugana nga pagtubos. 8Kag sia gid ang magatubos sa Israel gikan sa tanan nga mga sala sang Israel. a a v8 Ang saad sang Amay sa pagtubos sa iya katawohan gikan sa tanan nila nga mga sala natuman kay Jesus, nga gintawag agud luwason ang iya katawohan gikan sa ila mga sala.
