Muna Bitsweki
Luyimbilu lwa kutombuka.
Tuka muna bitsweki, lombilu lwina lwenina ha thandu ya mphyulu yimosi yina yázimbudwa kwena Tata wandi: ho ni ngeyi wayuka khabu ya masumu, nani wafwana telama? Ndoluka yina yisi kitula kuzitisa mu kala. Kuhingila kufwananiswa yi bakengila ba phipha bana bisi tanga bilumbu tii yi kuna suka.
130 1A Tata wama, muna bitsweki yibati kalunga kwena ngeyi.
2A Tata, Pfumu, yuka ndinga yama; hinikina yi tsikiningi bisambu byama bya kulomba kyadi.
3Ho ni ngeyi, A Tata wama, wayuka khabu ya masumu, A Tata, Pfumu, nani wafwana telama? 4Kaasi kwena ngeyi, ndoluka yenina, hanga bakuzitisa.
5Yibati hingila Tata wama; moya wama wubati hingila, amana muna ndinga yandi yibati sya kivuvu kyama. 6Moya wama wubati hingila A Tata, Pfumu, kuluta bana bisi kengila bisi hingila suka, kuluta bana bisi kengila bisi hingila suka.
7A bisi Kiseledi, syenu kivuvu kyenu kwena Tata wetu, mukuma kwena Tata wetu, lungongu lwa bulunda lwenina, amana kwena yandi, luhulusu lwa kuvula lwenina. 8Amana yandi-meni kalúbula Kiseledi mu masumu moosu ma bisi Kiseledi. a a v8 Kilangi kya Tata kya kulubula kikanda kyandi mu masumu moosu ma bawu kyalungisibwa mwena Yesu, wuna bámuheka khumbu hanga kahulula kikanda kyandi mu masumu ma bawu.
