गणना 36

36 ¹मनश्शेचा मुलगा माखीर याचे वंशज, म्हणजे योसेफाच्या कुळांपैकी असलेल्या गिलादाच्या कुळातील घराण्यांचे प्रमुख पुढे आले आणि त्यांनी मोशे व इस्राएलाच्या घराण्यांच्या कुळांचे प्रमुख असलेल्या पुढाऱ्यांसमोर सांगितले. ²ते म्हणाले, “आमच्या पित्याने माझ्या धन्याला आज्ञा दिली की, चिठ्ठ्या टाकून इस्राएल लोकांना वतन म्हणून ती भूमी वाटून द्यावी; आणि आमचा भाऊ सलाफहाद याचे वतन त्याच्या मुलींना द्यावे अशी आज्ञाही आमच्या पित्याने माझ्या धन्याला दिली. ³जर त्या इस्राएलाच्या इतर वंशांतील पुरुषांशी विवाह करतील, तर त्यांचे वतन आमच्या वडिलांच्या वतनातून काढून घेतले जाईल आणि ज्या वंशात त्या जातील त्याच्या वतनात मिळवले जाईल; अशा रीतीने आम्हांला नेमून दिलेले वतन कमी होईल. ⁴आणि इस्राएलांचे योबेल वर्ष येईल, तेव्हा त्यांचे वतन, ज्या वंशात त्या विवाह करतील त्याच्या वतनात मिळवले जाईल, आणि ते आमच्या वडिलांच्या वंशाच्या वतनातून काढून घेतले जाईल.”

⁵तेव्हा मोशेने आमच्या पित्याच्या वचनानुसार इस्राएल लोकांना आज्ञा दिली, “योसेफाच्या वंशाचे लोक बरोबर बोलत आहेत.

⁶सलाफहादाच्या मुलींविषयी आमचा पिता अशी आज्ञा देतो: त्यांना जो योग्य वाटेल त्याच्याशी त्या विवाह करोत, परंतु केवळ त्यांच्या वडिलांच्या वंशाच्या कुळातच.

⁷इस्राएल लोकांचे कोणतेही वतन एका वंशाकडून दुसऱ्या वंशाकडे जाऊ नये; प्रत्येक इस्राएलाने आपल्या वाडवडिलांच्या वंशाचे वतन राखावे. ⁸इस्राएलाच्या कोणत्याही वंशात वतन मिळणाऱ्या प्रत्येक मुलीने आपल्या वडिलांच्या वंशाच्या कुळातच विवाह करावा, म्हणजे प्रत्येक इस्राएलाला आपल्या वाडवडिलांचे वतन मिळत राहील. ⁹कोणतेही वतन एका वंशाकडून दुसऱ्या वंशाकडे जाऊ नये; इस्राएलाच्या प्रत्येक वंशाने आपापले वतन राखावे.”

¹⁰आमच्या पित्याने मोशेला जशी आज्ञा दिली होती, तसेच सलाफहादाच्या मुलींनी केले. ¹¹सलाफहादाच्या मुली महला, तिरसा, हग्ला, मिल्का व नोआ यांनी आपल्या वडिलांच्या भावांच्या मुलांशी विवाह केला. ¹²योसेफाचा मुलगा मनश्शे याच्या वंशजांच्या कुळांत त्यांनी विवाह केला, आणि त्यांचे वतन त्यांच्या वडिलांच्या वंशाच्या कुळातच राहिले.

¹³यरीहोजवळ यार्देनेच्या काठी, मवाबाच्या मैदानात, आमच्या पित्याने मोशेच्या द्वारे इस्राएल लोकांना दिलेल्या या आज्ञा व नियम आहेत.