Hallelujah
Ithumwui Avāwui otsakbingwui pongli laa kaphangāchāk: kaphāngayang, mamalaikhavai sākahai, kakhayang kala mashun. Ali ngachee kaphābingli khamui mia kala awui tuingashit chiching mayonga. Laa kakhanang chi sākhavai ot eina ngasaka — khangachee hina thangmei kaphokna.
111 1Hallelujah! Ning khangatarbingwui ngachaili kala yarui kazipli, ina ithumwui Avāli ining tongtingda sochikatra. 2Ithumwui Avāwui otsak hakkhamahāna, chili ringkaphābing saikorana phaningra. 3Tekhamatei kala khayākakā awui otsakli lei, kala awui khamashung khangarong katang mavaimana. 4Awui matakhak kahai otbingli ana phaningung ngasakhaira; ithumwui Avā lumashankatha̱a, awui wuklung lukhamashanna pemtinghai. 5Ali khangacheebingli ana kashakazā mi; awui tuingashit ana katang mavaila phaningungchinga. 6Miyurbingwui shimlui athumli mida, awui otsakwui pangshapli ana awui mibingli sāchitheihaira. 7Awui pāngwui otsak ningkatong kala mashunga; awui ningkhami saikora chānsamna. 8Chibing katang mavaila kala mavaila lungkhangasakna, ningtonglak kala ningsākhangazip eina sāsera. 9Ana awui mibingli ngatangkhui chihovāhaira; awui tuingashit katang mavaila ana kakaso mihaira. Awui ming kathara kala khangachee khangachāna. 10Ithumwui Avāli khangachee hi thangmei haokaphokana; chi magunbing saikorana kaphā theishingkakhui samphanga. Awui masot katang mavaimana. a a v10 Hili khangachee hi khayākashi kala mahāngkharar khorum khami khavaina, kathirri lah khangachee khangachā maningmana.
