Yur saikora, rālu
Khaniyakha laa tuiyakha: Israelli maleimanglā, ngalei kachida kharāwui ngalei saikorali kasoi tui kha kahai. Chiwui ngachāi ateo kala ngasoda leira—ithumwui Avāwui makhangachei leikashi ithumli kahāk, kala awui kashokthot katang mavai.
Chapter 117.
117 1Ithumwui Avāli sochikatlu, O yur saikora! Ali masot milu, O mibing saikora! a a v1 Avāna mathāhailakla yur saikora — Israel chimāng maningla — awui shongli latunghaira da ningchānga chi chitheikhavai, Paulna tui hi hāngluishita (Romans 15:11). 2Kaja awui makhangachei leikashi ithumli hakmahālaka, kala ithumwui Avāwui ningkatong katang mavaimana. Ali sochikatlu!
