Mangkhama̱wui Makhamayā
Laa khamungawui vang. Davidwui.
'Vare maleimana' da mangkhama̱na hāngkhami hi ningkakhui maningla, otsakwui tui chila. Ithumwui Avāna mikumo saikorali theishingkhui akha leila da phāa, kha akhala maphāmana. Awui mibingli zākhamabingli khangachee kharāk lāka; psalm hi Zionwui eina huikhami rāsi kaja da kathumhaoa.
14 1Mangkhama̱na awui ningli, "Vare maleimana" da hānga. Athum kateikazāna, athumwui otsak chi ningkakachaina; kaphā kasā akhala maleimana.
2Theishingkhui akha, ali kaphā akha leila da theikhavai, ithumwui Avāna kazingram eina mibingwui naomayara ngarāli yangtai. 3Athum saikora ma̱thuihaira; ngaraichāda athum mamashungsermana; kaphā kasā mi khipākha maleimana, akhalakha maleimana.
4Makaphā kasā saikora, kashakazā zā thāda iwui mibingli tukshaibingna, khangatei matheirarmala, kala ithumwui Avāli kachangkhat eina mangakaola? 5Chili athum khangachee khangachāna pemhaira, kaja khangarong mibingwui thotwui ngachaili ithumwui Avā leira. 6Nathum makaphā kasābingna kachāma miwui khangarān khayak ngasak, kha ithumwui Avā awui ngayin khavaina.
7Iyavo, Israelwui ngatangkhami Zionwui eina rāsija! Ithumwui Avāna awui mibingwui lan china hankhami tharan, Jacobna ringphāranu, kala Israelna mathānranu.
