Ha Po ce Sala Vote
Thümako sala vori tsaleoe hio tsahto, kekrelamori Pue ha tsahavü de, mu Pue ha phe sü vato; vele ha Poe kela, uni khrü keshu kebü bi, kehe tüluce lavo. Pü menü keto, jütsüjükho khrü mu püo seyi zo, reshü kemo. Süsa thevo kezhooe cho lü vomiko dokhriva.
Ha Po verse hikolü po ba 4–11
6 1Vorite, ha Po ce ha sala vote; kekrelamori Pue ha prüta die, Pue ha kesürho sü kelapü; Pue ha tsahavüta, side Pue ha kevükuko phe sü vato. a a v1 Ha Poe ha prünyi süo mha chothe jü zo kümo — Pue ha kesürho sü keto lebi prü, phe sü keto lebi tsahavü. Hio tahitarho Pue nieko cekrolü salava keto zo. 2Zho kena süsalü Pue ha rhüla sü süto; zho thiri nha Pue ha phu merhü süto, side ha Pu mhüjülü rhüta kelapü. b b v2 Zho thiri nha phu merhü sünyi Jisu ce mengopü zo, Pu zho thiri nha phu merhü sü, side ha ha Po mhüjülü rhüta kelapüto (1 Corinthians 15:4). 3Ha sete, ha Po se keto ha huzü vote. Pu keshu rüna taprapü bi ketho vori süto; Pu türü bi, cejü jü khapü rünatürü bi ha ce vorito.
4“I no yo dipü thi süa, Ephraim? I no yo dipü thi süa, Judah? Neko mhakha keshu kemhü bizo, tüso tatato jükhrü bizo. 5Süla I sajukepoko celü uko veta; a talü jüko celü I uko dokhriva, mu a sheco keveo bi taprata. 6Kekrelamori I jütsüjükho mhakha menü, reshü menümo, kethü reshüko ceri ha Po mhase menü. c c v6 Jisue hio jü kena po — "I phikemezhe menü, reshü menümo" (Matthew 9:13; 12:7) — ha Po se keto mu mhakha keto Pu menüzo, reshü lebi thiküvayite menümo ziti mengoyi keto zo. 7Vele Adam bi uko jütsüjükho müka vata; sülü uko a ce jüthozo thimota. 8Gilead mhakekri thimi nade zo, thüza phelü thopü bazo. 9Kürügomi mi püri bata bi, süsü bi thevokezhoko kemoko Shechem cholü mi dokhriva; mo, uko kethenga mhakekri thita. 10Israelmi cekrolü I mha kempe thino ngota: Ephraim kerügükerüzü sülü bazo; Israel jümerho vata.
11“Judah, no sheri, rüce thipü bazo, I a nieko sala va lize.”
