Jisu, Kela Keyi Kekuthoo

Edom lüno sopü vori, kemere rütsonyie füne khipü, pü khubüse themeziti kedüda, pü zü züde thüma mhapü ri bamo. Süsa memo kekhrü thiva: ha Po utho thümako kümüzhe metü lü Pu sheri kümüzhe ta, süko khiva, uko lüda mesü die Pü Kemesa Rüpü mezi süva ketso. Pü ngokemezhe hupho vata zi kra po die thelü thiva.

Ha Po verse hilü po ba 8

Kezhü 63.

Edom lüno vori hio sopü zo, Bozrah lüno kemere rütsonyie füne khipü, pü füne lü zapozale thüma, pü keku kezholü revü ketao? “Süo i zo, matho zhopo thipü, kela keyi kekuthoo.” ^a

Dipülü n füne mere ta, mu n füne khubüse lü tsada ketao bi zota?

“I khubüse amezi kedüda, mu thümako lüno mipüri a züde bamo; a lekhulü i süko nyophreva mu a lekhulü i süko düva; uko kerhü thüza a füne lü parita, mu a füne metü i merho süva. Kekrelamori kemejo salü a melü lü bata, mu a redekeyi tütse keto ta. I ngoti, vele khrühi süo mipüri bamo; mipüri a uphe sü bamo i mütü ulü sü shüta; süla a bo mezi a kela keyi süva, mu a lekhu a uphe sü. A lekhulü i thümako düva thiva; i süko mezü sü süva a lekhulü, mu uko kerhü thüza i cejü lü süva.”

Ha Po Kekhrü I Posato

Ha Po jükho kekhrü I posüto, Pü püchu, Pü hako thi kesü metü bide, mu Pü Israel rele ce kezho ketsükeve ngoyi kesü, Pü phimüzhe bide, Pü jükho kekhrü kekro bide.

Kekrelamori Pu poti, “Thisü uko a thüma zo, meda kemo nuneko zo.” Mu Pu uko kelakeyi thüma thita.

Uko kümüzhe metü lü Pu sheri kümüzhe ta, mu Pü presa saju kepoo süko kela süva; Pü kekhrü lü mu Pü phimüzhe lü Pu süko redeva; Pu süko phu mesüve mu tüsozho voketa metü lü süko khiva. Vele uko lüda mesü, mu Pü Kemesa Rüpü lü sü shüta; süla Pu regüsü uko ngomu thita, mu Pu mezi uko zü theri thita. Süsa Pu tüsozho voketa usalü vori, Moses mu pü thümako. Kemere jü lüno süko phu prasü thüma hilü ba, pü tüko kroko teko kefüko züde? Uko dolü Pü Kemesa Rüpü meta thüma hilü ba, Pü zapozale bo parisümi, Moses be kecho lü, uko mhüjülü jüko kejükresümi, Pümezi kechothe za thi keto la, kere jü lü süko kezü sümi hilü ba? Rayho thilü gura bi, uko jota mota. Razho lü ketü cüriko bi, Ha Po Rüpüoe süko kerelü tsüva. Süla No N thümako kezü sü, Nmezi zapozale za thi keto la.

Tüyo Lüno Ngotü Yite

Tüyo lüno ngotü de ngoyite, N kemesa mu zapozale hü celü. N lüni mu N keku mhathoko hilü ba? N melü kerhüsü mu N phimüzhe a celü khave thita. Kekrelamori No ha Po zo, Abraham-e ha semota zori mu Israel-e ha za phramola zori; No ha Po zo; voketa tükolü ha Redekeyi N za zo. ha Po, m kedipüla noe ha neko choko lüno va tato süzo, mu ha melü rüta süzo, sidie ha neko ukhü thimo? Neko kalüzhü shuye kerikena, neko mithekümi saketako retute. Kekrelamori pütü thüza neko kemesa thümakoe mhakha ketala; ha ngomuko neko kereshüce kedüda va. Ha noe meni tamo thümako bi, neko za yo cü keyi kemo thümako bi ta.