Tüyo Phra Prüte
Hio ha Poe tüyo phrasü prüde kiri ketola kecho zo. Pue thümako la vü kemo, uko mesa mha thiko metü mesa kemo khü bi zo zisü, mu sopüri pu la cü kemo zi phra mese. Kereshü tova süta. Mifü kela kemo ketso lü dopüla.
64 1Oyi, noe tüyo phrasü prüde kirite, n presalü cejütuko küna vayite, 2Me-e dathü tovayo, side jü küla süto bi, n za n kemetsumiko ce se bayite, side shühyieko n presalü küna vayite! 3Ha lüba kümo mha kerü thinyi noe thisülize, no kita, side n presalü cejütuko küna vata. 4Thajü pütü celü, sopüe uni-e remo mu semo, mhü-e ri no müsüh mipüri ngo kevamo, no fü bami po mha thipü zo. 5Nüsai de mesa thimi po noe zühyiyo, n chokolü tayi die no relela mipü. Vele no nümota, side ha phomate; ha küphomalü thajü bata—ha kelayi veta? 6Ha metü müsakümo mipü bi tata, side ha mesa mha thiko metü mesa kemo khü bi zo. Ha metü mhalha bi rügwi tata, side ha küphomako, tükhra bi, ha zu tata. 7N za cüyi mipüri dide, no utho tasü phayi mipüri dide; kekrelamori noe n zü ha celü kevapü, thiva, side ha küphomako ce ha khapü tsüva.
8Vele tha, no ha Po zo; ha le zo, side no ha leyo zo; ha metü n be mha thipü zo. 9Apo, shüh de nüda tahite, side ha küphoma zapozale rekra tahite. Lüsüte—ha metü n thümako zo. 10N kemesa rünako nhatsa bi tata; Sion nhatsa bi tata, Jerusalem mhakemeka bi tata. 11Ha upotsaneko no chupü, ha kemesa mu züve sio, me-e müto va, side ha mhalü bapü mhako metü mhakemeka bi tata. 12Mhasüko metü ketha, Apo, no tasü zoto me? No sileo bade ha shüh de kümüzhe süto me?
